ചെന്നൈ: ഒത്തുകളിയില് പങ്കുണ്ടെന്ന് അപകീര്ത്തിപരമായ വാര്ത്ത നല്കിയതിന് സീ ടിവി ചാനലിനെതിരെ ഇന്ത്യന് ക്രിക്കറ്റ് ടീം ക്യാപ്റ്റന് മഹേന്ദ്ര സിംഗ് ധോണി മാനനഷ്ടക്കേസ് ഫയല്ചെയ്തു. 100 കോടി രൂപയുടെ നഷ്ടപരിഹാരം ആവശ്യപ്പെട്ടാണ് കേസ്. മദ്രാസ് ഹൈക്കോടതിയിലാണ് കേസ് ഫയല്ചെയ്തത്. ധോണിയ്ക്ക് ഒത്തുകളിയില് പങ്കുണ്ടെന്ന തരത്തില് ചാനല് വാര്ത്ത സംപ്രേഷണം ചെയ്തിരുന്നു. ഒത്തുകളി വിവാദവുമായി ബന്ധപ്പെട്ട് ധോണിയ്ക്ക് പങ്കുണ്ടെന്ന് പറയുന്ന അഭിമുഖങ്ങളോ റിപ്പോര്ട്ടുകളോ ചാനല് സംപ്രേക്ഷണം ചെയ്യാന് പാടില്ലെന്ന് കോടതി ഇടക്കാല ഉത്തരവ് പുറപ്പെടുവിച്ചു. വിശ്വാസ യോഗ്യമല്ലാത്ത ചില റിപ്പോര്ട്ടുകളിലൂടെ ഒത്തുകളി വിവാദത്തില് ചാനല് തന്റെ പേര് വലിച്ചിഴയ്ക്കുകയായിരുന്നെന്ന് ധോണി പറഞ്ഞു. ഐസിസി വേള്ഡ് ട്വന്റി -20 മത്സരങ്ങളുമായി ബന്ധപ്പെട്ട് ബംഗ്ലാദേശിലാണ് ധോണി ഇപ്പോള്. മാര്ച്ച് 21 നാണ് ആദ്യമത്സരം. പാക്കിസ്ഥാനാണ് മത്സരത്തില് ഇന്ത്യയുടെ എതിരാളി.
ചാനലിനെതിരെ ധോണി കേസ് കൊടുത്തു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.