മിര്പൂര്: ട്വന്റി20 ലോകകപ്പ് ക്രിക്കറ്റില് ആതിഥേയരായ ബംഗ്ലാദേശിന് വിജയത്തുടക്കം. യോഗ്യതാ റൗണ്ടിലെ ഗ്രൂപ്പ് എ മത്സരത്തില് ദുര്ബലരായ അഫ്ഗാനിസ്ഥാനെ ബംഗ്ലാ കടുവകള് ഒമ്പതു വിക്കറ്റിന് തച്ചുതകര്ത്തു. ആദ്യ ബാറ്റ് ചെയ്ത അഫ്ഗാന് 17.1 ഓവറില് 72ന് പുറത്തായി. ബംഗ്ലാദേശ് 12 ഓവറില് ഒരു വിക്കറ്റ് മാത്രം നഷ്ടപ്പെടുത്തി 78 റണ്സെടുത്ത് ജയം ഉറപ്പിച്ചു.
ഇതോടെ ഏഷ്യാ കാപ്പിലേറ്റ തോല്വിക്ക് കണക്കുതീര്ക്കാനും ബംഗ്ലാദേശിനായി. രണ്ടു പോയിന്റും അവരുടെ അക്കൗണ്ടിലെത്തി.
സ്പിന്നര്മാരുടെ പ്രകടനമാണ് ബംഗ്ലാദേശിന് ഉശിരന് ജയം സമ്മാനിച്ചത്. മൂന്നു വിക്കറ്റുകള് വീഴ്ത്തിയ ഷാക്കിബ് അല് ഹസനും രണ്ടിരകളെ കണ്ടെത്തിയ അബ്ദുള് റസാക്കും പട നയിച്ചപ്പോള് അഫ്ഗാന് തകര്ന്നടിഞ്ഞു. 4 ഓവറില് എട്ടു റണ്സ് മാത്രം വഴങ്ങി ഒരു വിക്കറ്റു പിഴുത മുഹമ്മുദള്ളയും മികച്ച നിന്നു.
ബംഗ്ലാ സ്ലോ ബൗളര്മാരുടെ പന്തുകളില് റണ്സ് കണ്ടെത്താന് അഫ്ഗാന് ബാറ്റ്സ്മാന്മാര് ഏറെ പണിപ്പെട്ടു. ഗുല്ബാദിന് നയ്ബ് (21), കരീം സാദിഖ് (10), ഷഫിഫുള്ള (16) എന്നിവര് മാത്രമേ അഫ്ഗാന് നിരയില് രണ്ടക്കം കണ്ടുള്ളു.
ചെറിയ സ്കോര് പിന്തുടര്ന്ന ബംഗ്ലാദേശ് ഒരിക്കല്പ്പോലും പതറിയില്ല. തമീം ഇക്ബാലും (21) അനമുള് ഹക്ക് (44 നോട്ടൗട്ട്) ചേര്ന്ന് അവര്ക്കു മികച്ച തുടക്കം നല്കി. സ്കോര് 45 നില്ക്കെ തമീം മടങ്ങിയെങ്കിലും ഷാക്കിബ് അല് ഹസനും (10) ഹക്കും ചേര്ന്ന് ദൗത്യം പൂര്ത്തിയാക്കി. സമിയുള്ള ഷെന്വാരിയെ സിക്സര് പറത്തിയാണ് ഹക്ക് ടീമിന്റെ വിജയ റണ്സ് കുറിച്ചത്. ഷാക്കിബ് കളിയിലെ കേമന്.
