ചങ്ങനാശേരി: റെയില്വേസ്റ്റേഷനു സമീപം വര്ക്ക് ഷോപ്പില് ഗുണ്ടാവിളയാട്ടം. രണ്ട് പെട്ടിവണ്ടികളടക്കം ഏഴ് ഓട്ടോറിക്ഷകള് അടിച്ചു തകര്ത്തു. തിങ്കളാഴ്ച രാത്രി 11.30ന് ആനന്ദാശ്രമം സ്വദേശി ജഗദീഷ് ചന്ദ്രന്റെ ഉടമസ്ഥതയിലുള്ള സികെഎന് വര്ക്ക് ഷോപ്പിലാണ് അക്രമം നടന്നത്. കമ്പിവടികളുമായെത്തിയ നാലംഗസംഘം ഓട്ടോകള് അടിച്ചു തകര്ക്കുകയായിരുന്നു. വര്ക്ക് ഷോപ്പില് ഉറങ്ങിക്കിടന്ന ശശി(55)യെന്നയാള് സംഭവമറിഞ്ഞ് എഴുന്നേറ്റ് തടയാന് ശ്രമിച്ചപ്പോള് ഇയാളെയും സംഘം ആക്രമിച്ചു. പരിക്കേറ്റ ശശിയെ ചങ്ങനാശേരി ജനറല് ആശുപത്രിയില് പ്രവേശിപ്പിച്ചു.
മാടപ്പള്ളി സ്വദേശി അജി, ചങ്ങനാശേരി സ്വദേശി ശരത്, തോട്ടക്കാട് സ്വദേശി ഷിബു എിവര് ചേര്ന്നാണ് ഇപ്പോള് ഈ വര്ക്ക് ഷോപ്പ് നടത്തുന്നത്. ഇവര് രാത്രി എട്ടിന് വര്ക്ക് ഷോപ്പ് അടച്ചുപോയിരുന്നു. അറ്റകുറ്റപണികള്ക്കും ടെസ്റ്റിംഗ് ജോലികള്ക്കുമായി വര്ക്ക് ഷോപ്പില് പ്രവേശിപ്പിച്ചിരുന്ന ഓട്ടോകളാണ് സംഘം തകര്ത്തത്. അറ്റകുറ്റ പണികള്ക്കായി പ്രവേശിപ്പിച്ചിരുന്ന ഒരു ഓട്ടോയുടെ ഉടമയുമായി നേരത്തെ ഉണ്ടായ വൈരാഗ്യമാണ് സംഭവത്തിനു പിന്നിലെന്ന് പോലീസ് പറഞ്ഞു. ചങ്ങനാശേരി എസ്ഐ ജെര്ലിന് സ്കറിയായുടെ നേതൃത്വത്വത്തിലുള്ള പോലീസ് സംഘം സംഭവ സ്ഥലത്തെത്തി കേസെടുത്ത് അന്വേഷണം ആരംഭിച്ചു. നിരവധി അടിപിടി, ക്രിമിനല് കേസുകളിലെ പ്രതികളാണിവര് എന്ന് പോലീസ് പറഞ്ഞു.
