മട്ടാഞ്ചേരി: കുത്തക ടെലിവിഷന് കേബിള് കമ്പനികള്ക്കായി രാഷ്ട്രീയ നേതാക്കളും, തദ്ദേശ സ്വയംഭരണ സ്ഥാപന ജനപ്രതിനിധികളുമടക്കം പ്രദേശിക കേബിള് ശൃംഖലയെ തകര്ക്കുവാന് ശ്രമിക്കുന്നതായി കേബിള് ടിവി കോ-ഓര്ഡിനേഷന് കമ്മറ്റി ചൂണ്ടിക്കാട്ടി. കുറഞ്ഞവാടകനിരക്കില് കൂടുതല് ചാനലുകള് നല്കിയും, പ്രാദേശിക തൊഴിലവസരം സൃഷ്ടിച്ചും, മുതല്മുടക്കിയും, വന്കിട കുത്തക ചാനലുകളുടെ ചൂഷണങ്ങളെ തടഞ്ഞും പ്രവര്ത്തിക്കുന്ന പ്രാദേശിക കേബിള് ശൃംഖലയെ തകര്ക്കുന്ന സമീപനമാണ് പശ്ചിമകൊച്ചിയിലെ നഗരസഭാ കൗണ്സിലംഗങ്ങളടക്കമുള്ള ജനപ്രതിനിധികള് കൈക്കൊള്ളുന്നതെന്ന് കോ-ഓര്ഡിനേഷന് കമ്മറ്റി ചെയര്മാന് സി.ആര്.സുധീര്, കണ്വീനര് ടി.ആര്.സാനു, എ.പി.റഷീദ്, പി.എസ്.രജനീഷ് എന്നിവര് പറഞ്ഞു.
കേന്ദ്രസര്ക്കാരിന്റെ കമ്മ്യൂണിക്കേഷന് രംഗത്തെ നിയമാനുസൃത പ്രവര്ത്തനവുമായി പ്രാദേശിക കേബിള് ശൃംഖലകള് സഹകരിച്ചും, അനുകൂലിച്ചും മുന്നേറുമ്പോള് പുതിയ സംവിധാനത്തില് സെറ്റോബോക്സ് സൗജന്യം അടക്കമുള്ള പ്രയോജനങ്ങളുമായി ഉപഭോക്തൃമേഖലയെ കൈക്കലാക്കാണ് ഇവര് ശ്രമിക്കുന്നത്. ഇതിനകം പൂര്ണ്ണമായും ഡിജിറ്റല് അഡ്രസബിള് സിസ്റ്റത്തിലായ നഗരങ്ങളില് കുത്തക കേബിള് ശൃംഖല ഭീമന്മാര് ഉയര്ന്ന മാസവരിവാങ്ങുമ്പോള് കേരളത്തില് സജീവമായ പ്രദേശിക കേബിള് ശൃംഖലകള് കുത്തകകള്ക്ക് വെല്ലുവിളിയായി മാറുകയാണ്. ഈ സാഹചര്യത്തിലാണ് ജനപ്രതിനിധികള് അടക്കമുള്ളവരെ കൂട്ടുപിടിച്ചും, മുന് നിര്ത്തിയും കുത്തക കമ്പനികള് കേബിള് ശൃംഖലകള് കൈയ്യടക്കുന്നത്. രാഷ്ട്രീയ കക്ഷികളുടെ പ്രാദേശിക നേതാക്കളടക്കമുള്ളവര്ക്ക് ഫ്രാന്ഞ്ചെസ്സി സൗകര്യം ഒരുക്കിയും, കൂട്ടുപിടിച്ചും നടക്കുന്ന കുത്തക കമ്പനികളുടെ പ്രവര്ത്തനത്തിനും, രാഷ്ട്രീയ- ജനപ്രതിനിധി നേതാക്കള്ക്കുമെതിരെ ശക്തമായ സമരത്തിന് കേബിള് ടിവി കോ-ഓര്ഡിനേഷന് കമ്മറ്റി തീരുമാനിച്ചതായി ഭാരവാഹികള് പറഞ്ഞു. ജനപ്രതിനിധികളെ മുന് നിര്ത്തിയുള്ള കേബിള് ടിവി ഉപഭോക്തൃ ചൂഷണത്തിനെതിരെ മട്ടാഞ്ചേരി, ഫോര്ട്ടുകൊച്ചി, പള്ളുരുത്തി, ഇടകൊച്ചി മേഖലയില് കുത്തക വിരുദ്ധ കണ്വെന്ഷനുകള് നടത്തിയും, ജനപ്രതിനിധികളുടെ വീടിനും , ഓഫീസിനും മുന്നില് സമരം നടത്തിയും ജനകീയ പ്രതിഷേധവും, ബോധവല്ക്കരണവും നടത്തുകയാണ് കമ്മറ്റിയുടെ സമരങ്ങള്. സംസ്ഥാനത്തെ 3000 ത്തോളം ചെറുകിടകേബിള് ടിവി ഓപ്പറേറ്റര് മാര്ക്ക് 62 ലക്ഷത്തോളം കണക്ഷനുകളാണ് ഇതിനകമുള്ളത്. ഇതിനെ കൈക്കലാക്കാനുള്ള കുത്തകകമ്പനികളുടെ ശ്രമങ്ങള്ക്കെതിരെ ഉപഭോക്തൃമേഖലയിലും ബോധവല്ക്കരണ ശ്രമങ്ങള് നടക്കുന്നുമുണ്ട്.
കുത്തകകള്ക്കായി പ്രാദേശിക കേബിള് ശൃംഖലകളെ തകര്ക്കുന്നു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.