ചങ്ങനാശ്ശേരി: ആധ്യാത്മിക മൂല്യങ്ങള് കൂടി ഉള്പ്പെടുന്ന വിദ്യാഭ്യാസ സമ്പ്രദായത്തിന് മാത്രമേ രാജ്യത്തെ പുരോഗതിയിലേക്ക് നയിക്കാന് കഴിയുകയുള്ളുവെന്ന് രാജ്യസഭാ ഉപാധ്യഷന് പ്രൊഫ. പി.ജെ കുര്യന് അഭിപ്രായപ്പെട്ടു. വിദ്യാഭ്യാസം തൊഴില് നേടാനുള്ള ഉപാധിമാത്രമായി ചുരുങ്ങിയെന്നും നിലവിലുള്ള സെക്യുലര് വിദ്യാഭ്യാസ ചട്ടക്കൂട്ടില് ധാര്മ്മിക മൂല്യങ്ങളെ ദുര്ബ്ബലപ്പെടുത്തുന്ന സമീപനങ്ങളാണ് കണ്ടുവരുന്നതെന്നും അദ്ദേഹം കൂട്ടിച്ചേര്ത്തു. ഇത്തിത്താനം ഇളങ്കാവ് വിദ്യാമന്ദിറിന്റെ കെട്ടിട സമുച്ചയത്തിന്റെയും സിബിഎസ്ഇ അഫിലിയേഷന് പ്രഖ്യാപന സമ്മേളനത്തിന്റെയും ഉദ്ഘാടനം നിര്വ്വഹിക്കുകയായിരുന്നു അദ്ദേഹം. സ്കൂള് മാനേജര് വി.എന് ശ്രീധരന് നായര് അധ്യക്ഷതവഹിച്ചു. മുന്സ്കൂള് മാനേജര്മാര്, പ്രിന്സിപ്പല്മാര് എന്നിവരെ എന്എസ്എസ് ഡയറക്ടര്ബോര്ഡംഗം ഹരികുമാര് കോയിക്കല്, എം.മധു എന്നിവര് ആദരിച്ചു. ഇളംകാവ്ദേവസ്വം സെക്രട്ടറി കെ.ജി രാജ്മോഹന്, റവ. ഫാ. ജോസ് മുകളേല്, ബിജുക്കുട്ടന്, പി.എസ് ബാലകൃഷ്ണന് നായര്, റ്റി.എസ് സുനില്കുമാര്, ബി. ഗീതമ്മ, പി.എം ജയകുമാര്, സുരേഷ്പ്ലാവിട, റ്റി.വി ശ്രീവിദ്യ, പൂജാ സുരേഷ് എന്നിവര് പ്രസംഗിച്ചു.
മൂല്യാധിഷ്ഠിത വിദ്യാഭ്യാസം കാലഘട്ടത്തിനാവശ്യം: പി.ജെ. കുര്യന്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.