വാഷിങ്ങ്ടണ്: അമേരിക്കയിലെ പത്ത് സിഇഒ മാരുടെ പട്ടികയില് പെപ്സികോ സിഇഒ ഇന്ദിരാ നൂയി അടക്കം മൂന്ന് വനിതകളും. 100 പ്രധാന അമേരിക്കന് കമ്പനികളുടെ സിഇഒമാരില് നിന്നാണ് പത്ത് പേരുടെ പട്ടിക തയ്യാറാക്കിയത്. ആദ്യ പത്ത് പേരില് മൂന്ന് വനിതള് ഇടം നേടി. സിഡ്നിയിലെ മാനേജ്മെന്റ് സ്കൂള് നടത്തിയ ഒരു റിസര്ച്ചിലാണ് ഇക്കാര്യം വ്യക്തമാക്കുന്നത്.
വിഎംവെയറിന്റെ സിഇഒ പാറ്റ് ജെല്സിംഗര്, ടാര്ഗറ്റ് ഗ്രൂപ്പിന്റെ സിഇഒ ഗ്രെഗ് സ്റ്റെയിന്ഹാഫെല്, മെഡ്ട്രോണിക് സിഇഒ ഒമര് ഇഷ്റാക് എന്നിവരും പട്ടികയില് ഇടംനേടിയിട്ടുണ്ട്. ടിജെഎക്സ് സിഇഒ കരോള് മെയ്റോവിറ്റ്സ്, ലോഖീദ് മാര്ട്ടിന് സിഇഒ മാരിലിയിന് ഹ്യൂസണ്, പെപ്സികോ സിഇഒ ഇന്ദിരാ നൂയി എന്നിവരാണ് ആദ്യ പട്ടികയില് ഇടം നേടിയ മൂന്ന് വനിതകള്. സിഇഒമാരുടേയും അവര് പ്രതിനിധീകരിക്കുന്ന കമ്പനിയുടേയും പ്രകടനത്തിന്റെ അടിസ്ഥാനത്തിലാണ് പട്ടിക തയ്യാറാക്കിയത്. കഴിഞ്ഞ വര്ഷത്തെ അപേക്ഷിച്ച് സിഇഒ മാരുടെ പ്രകടനം മികച്ചതാണെന്നും റിസര്ച്ച് റിപ്പോര്ട്ടില് പറയുന്നു.
