ഇത് നല്ല മനുഷ്യന്. അത് ചീത്ത മനുഷ്യന്, ഇങ്ങനെയൊരു വിശ്വാസം നിങ്ങള് വച്ചുപുലര്ത്തുന്നത്. ഇരുപത്തിനാലു മണിക്കൂറും നല്ലവനായിരിക്കുന്ന ഒരാള് ഇക്കൂട്ടത്തിലുണ്ടോ? ഒരു നിമിഷം നിങ്ങള് അത്യധികം നല്ലവനും, അടുത്ത നിമിഷം വഷളനും, അതിനടുത്ത നിമിഷ,ത്തില് മറ്റൊരു തരത്തിലുമുള്ളവനുമായിരിക്കുന്നു. അങ്ങനെയല്ലേ നിങ്ങളുടെ രീതി? അല്ലേ? ഒരാള് നല്ലതോ ചീത്തയോ ആയിരിക്കുന്നു എന്നൊന്നില്ല. ആവശ്യം വേണ്ട അവബോധം, അവധാനത, പ്രജ്ഞ എന്നിവ നിങ്ങളിലേക്ക് കൊണ്ടുവരുമ്പോള് ഫലവത്തായ ഒരു ജീവിതം നയിക്കാന് നിങ്ങള്ക്ക് കഴിയും. അപ്പോള് നിങ്ങള്ക്ക് മനുഷ്യരാശിയെ പരിപാലിക്കുവാനും കഴിയും. നിങ്ങള് സന്തോഷവനായായിരിക്കുമ്പോള് ചുറ്റുമുള്ളവര്ക്ക് നിങ്ങള് അതീവസൗകുമാര്യമുള്ള ഒരാളായി അനുഭവപ്പെടുന്നു.
സന്തോഷരഹിതമായ അവസ്ഥയില് നിങ്ങള് ചുറ്റുമുള്ളവര്ക്ക് വൃത്തികെട്ടവനും, അപകടകാരിയുമായി അനുഭവപ്പെടുന്നു. നിങ്ങളുടെ പ്രഥമവും പരമവുമായ ഉത്തരവാദിത്വം സഹജമായ ആനന്ദത്തോടെയുള്ള ഒരു മനുഷ്യനായി നിങ്ങളെ ഉറപ്പിക്കുക എന്നുള്ളതാണ്. ഇത് സംഭവിച്ചില്ലെങ്കില് നല്ല ഉദ്ദേശ്യങ്ങളുണ്ടായിരിക്കെത്തന്നെ ഈ ഭൂമിയില് വലിയ ദുരിതങ്ങള്ക്ക് നിങ്ങള് കാരണമാവും അതാണ് ഇപ്പോള് സംഭവിച്ചുകൊണ്ടിരിക്കുന്നത്.
– ജഗ്ഗിവാസുദേവ്
പ്രതികരിക്കാൻ ഇവിടെ എഴുതുക: