അങ്കമാലി: മൂക്കന്നൂര് പഞ്ചായത്തിലെ എടലക്കാട് തേലപ്പിള്ളി വറീത് മകന് ഏല്യാസിനെ വെട്ടി പരിക്കേല്പ്പിച്ച പ്രതിയെ പോലീസ് അറസ്റ്റ് ചെയ്തു.
അയല്വാസിയും എടലക്കാട് ജംഗ്ഷനില് ചായക്കട നടത്തുകയും ചെയ്യുന്ന എടലക്കാട് അറയ്ക്കല് ദേവസ്സിയെയാണ് അങ്കമാലി പോലീസ് അറസ്റ്റ് ചെയ്തത്. പിന്നീട് ഇയാളെ ആലുവ കോടതിയില് ഹാജരാക്കി റിമാന്ഡ് ചെയ്തു. വെള്ളിയാഴ്ച രാവിലെ 5.45ന് ദേവസ്സിയുടെ കടയുടെ മുന്വശത്തുവച്ചാണ് സംഭവം നടന്നത്. കടയില് ചായ കുടിക്കുവാന് എത്തിയ ഏല്യാസ് സിഗരറ്റ് ചോദിച്ചത് കൊടുക്കുവാന് വൈകിയതാണ് വാക്കേറ്റത്തിനും വെട്ടിലും കലാശിച്ചത്. കഴുത്തിനു പിന്നിലും വലതുകാലിലുമാണ് വെട്ടേറ്റിരിക്കുന്നത്. കടയുടെ മുമ്പില് വച്ച് വെട്ടേറ്റ ഏല്യാസിനെ അങ്കമാലി ലിറ്റില് ഫ്ലവര് ആശുപത്രിയില് പ്രാഥമിക ശുശ്രൂഷ നല്കിയതിനുശേഷം എറണാകുളം മെഡിക്കല് ട്രസ്റ്റ് ആശുപത്രിയില് പ്രവേശിപ്പിച്ചു. ഇയാളുടെ നില ഗുരുതരമാണ്. അങ്കമാലി പോലീസ് സര്ക്കിള് ഇന്സ്പെക്ടര് വി. ബാബു, പോലീസ് സബ് ഇന്സ്പെക്ടര് എന്. എ. അനൂപ് എന്നിവരുടെ നേതൃത്വത്തിലാണ് ദേവസ്സിയെ അറസ്റ്റ് ചെയ്ത്. കൊലപാതകശ്രമത്തിനാണ് ദേവസ്സിയ്ക്ക് എതിരെ കേസ് എടുത്തിരിക്കുന്നത്.
വെട്ടിപ്പരിക്കേല്പ്പിച്ച കേസിലെ പ്രതിയെ അറസ്റ്റ്ചെയ്തു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.