പൊന്‍കുന്നം: ചിറക്കടവ് സത്സംഗസംസ്‌കൃതിയുടെ രാമായണ അവഗാഹിനി പരീക്ഷ ശ്രദ്ധേയമായി. കുട്ടികളും മുതിര്‍ന്നവരും പരീക്ഷയില്‍ പങ്കാളികളായി. 15നു വയസിനു മുകളിലുള്ളവരും 15 നു വയസില്‍ താഴെയുള്ളവരുമായി രണ്ട് വിഭാഗങ്ങളിലായാണ് ഒന്നാം വര്‍ഷ പരീക്ഷ നടന്നത്. മുന്‍വര്‍ഷം നാല്‍പത് മാര്‍ക്കിന് മുകളില്‍ ലഭിച്ചവര്‍ ഈ വര്‍ഷം രണ്ടാം വര്‍ഷ പരീക്ഷയാണ് എഴുതിയത്. പൊന്‍കുന്നം ശ്രേയസ് പബ്ലിക് സ്‌കൂളായിരുന്നു പരീക്ഷാ സെന്റര്‍, മുന്നൂറില്‍പ്പരം പേര്‍ ഈ വര്‍ഷം പരീക്ഷ എഴുതി. രാമായണത്തില്‍ പരാമര്‍ശിച്ചിട്ടുള്ള വിവിധ സ്ഥലങ്ങളുടെ പേരിലുള്ള പ്രത്യേക ഹാളുകളിലായിരുന്നു പരീക്ഷ. പതിനെട്ട് ഹാളുകളിലായി നടന്ന പരീക്ഷ തികച്ചും വ്യവസ്ഥാപിതവും മാതൃകാപരവുമായിരുന്നു. മുന്‍വര്‍ഷം നടത്തിയ പരീക്ഷയില്‍ മുഴുവന്‍ മാര്‍ക്കും നേടിയ രശ്മി.എസ്‌നായര്‍ ഈ വര്‍ഷത്തെ പരീക്ഷ നിലവിളക്ക് കൊളുത്തി ഉദ്ഘാടനം ചെയ്തു. ചിറക്കടവ് സത്സംഗ സംസ്‌കൃതിയുടെ ഭാരാവാഹികളും വിവിധ സ്‌കൂളുകളിലെ അദ്ധ്യാപകരും ഉള്‍പ്പെടെയുള്ളവരായിരുന്നു പരീക്ഷയുടെ മേല്‍നോട്ടം വഹിച്ചത്.
രാമായണ അവഗാഹിനി പരീക്ഷ ശ്രദ്ധേയമായി
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.