കോട്ടയം: രാമായണ മാസത്തോടനുബന്ധിച്ച് തിരുനക്കര പോലീസ് സ്റ്റേഷന് മൈതാനത് ആരംഭിച്ച ആദ്ധ്യാത്മിക രാമായണ പുസ്തകമേളയില് വന് തിരക്കാണ് അനുഭവപ്പെടുന്നത്. രാമായണത്തെ കൂടാതെ ആരോഗ്യം, ജ്യോതിഷം, പുരാണം, ആയുര്വേദ, വാസ്തുശാസ്ത്രം, യോഗ, പഞ്ചാംഗം തുടങ്ങി വിവിധ വിഭാഗങ്ങളില് നിന്നുള്ള പുസ്തകങ്ങളും പുസ്തകമേളയില് നിന്നും ലഭ്യമാകും. 12 തരം രാമായണങ്ങളാണ് പുസ്തകമേളയില് ഉള്ളത്. വാല്മീകി രാമായണം, അനന്തരാമായണം, അര്ത്ഥതര രാമായണം, ശോക്യരാമായണം എന്നു തുടങ്ങി ഏതു രാമായണമാണോ ആവശ്യമയിട്ടുള്ളത് അത് ഇവിടെ നിന്നും ലഭ്യമാകും. 80 മുതല് 540 വരെയാണ് വില. നീതിസാരം, ജ്ഞാനപ്പാന തുടങ്ങിയവക്കാണ്പുസ്തക മേളയില് ആവശ്യക്കാര് ഏറെ. അമരകോശം, ഭാരതീയചിന്ത, വിവേകാനന്ദ സാഹിത്യസര്വ്വസ്വം, ശ്രീരാമകൃഷ്ണലീലാമൃതം, ശ്രീമദ് ദേവി ഭാഗവതം, ജ്യോതിഷ വിജ്ഞാനകോശം, ഹൈന്ദവവിജ്ഞാനകോശം, ആയുര്വേദത്തില് മാധവനിദാനം, യോഗമൃതം, ശാര്ങ്ഗധരസംഗീത, ജ്യോതിഷ ശാസ്ത്ര വിഭാഗത്തില് ഹോരാശാസ്ത്രം, വരാഹഹോരദശാധ്യായി, വാസ്തുശാസ്ത്രത്തില് മനുഷ്യാലയചന്ദ്രിക തുടങ്ങിയവയാണ് പുസ്തകമേളയിലെ മറ്റു പ്രധാന പുസ്തകങ്ങള്.
പുസ്തകമേളയില് കുട്ടികള്ക്കാവശ്യമായ പുസ്തകങ്ങളും ഉള്ക്കൊള്ളിച്ചിരിക്കുന്നു. ഓരോ ദിവസം ചെല്ലുംതോറും പുസ്തകമേളയില് സന്ദര്ശകരുടെ തിരക്ക് വര്ദ്ധിച്ചു വരികയാണ്. പുസ്തകമേള ഒരു മാസം നീണ്ടുനില്ക്കും.
