ആലുവ-തിരുവൈരാണിക്കുളം ക്ഷേത്രത്തിലെ നടതുറപ്പ് മഹോത്സവത്തോടനുബന്ധിച്ച് തിരുവൈരാണിക്കുളം ക്ഷേത്ര പരിസരത്ത് നായര് സര്വീസ് സൊസൈറ്റി താലൂക്ക് യൂണിയെന്റ ആഭിമുഖ്യത്തില് വിവാഹ ബ്യൂറോ തുറന്നു. താലൂക്ക് യൂണിയന് വൈസ്പ്രസിഡണ്ട് ബി.ജയചന്ദ്രന് ബ്യൂറോ ഉദ്ഘാടനം ചെയ്തു.യൂണിയന് സെക്രട്ടറി കെ.എം.ഗോപാലകൃഷ്ണന് നായര്, യൂണിയന് ഭരണസമിതിയംഗവും തിരുവൈരാണിക്കുളം ക്ഷേത്ര ട്രസ്റ്റ് പ്രസിഡണ്ടുമായ ആര്.ശരത്ചന്ദ്രന് നായര്, ട്രസ്റ്റ് സെക്രട്ടറി കെ.ജി.ദിലീപ്കുമാര്, യൂണിയന് ഭരണസമിതിയംഗങ്ങളായ നാരായണന്നായര്, കെ.രാജന്, സി.എന്.വിജയന്, യൂണിയന് പഞ്ചായത്ത് കമ്മറ്റി പ്രസിഡണ്ട് ബേബി കരുവേലില്, പഞ്ചായത്ത് കമ്മിറ്റിയംഗം വി.ജി.രാജഗോപാല്, വനിതായൂണിയന് പ്രസിഡണ്ട് കെ.സുഭദ്ര, സെക്രട്ടറി ജലജകുമാരി, സിന്ധുമുരളീധരന്, സരസമ്മപണിക്കര്, ലക്ഷ്മിക്കുട്ടിയമ്മ, ശ്രീകലാ ഗുണശേഖരന്, പുഷ്പലതാ സദാനന്ദന് എന്നിവര് സംസാരിച്ചു.
നടതുറപ്പ് മഹോത്സവം സമാപിക്കുന്നതുവരെ വിവാഹ ബ്യൂറോ ഇവിടെ പ്രവര്ത്തിക്കുമെന്ന് വനിതാ സമാജം പ്രസിഡണ്ട് കെ.സുഭദ്ര അറിയിച്ചു. വിവാഹ പ്രായമെത്തിയ നായര് യുവതീ-യുവാക്കള്ക്ക് ഇവിടെ പേര് രജിസ്റ്റര് ചെയ്യാവുന്നതാണ്.അനുയോജ്യമായ വിവാഹ ബന്ധങ്ങള് ബ്യൂറോ മുഖേന വിവാഹാര്ത്ഥികള്ക്ക് കൈമാറുകയും ചെയ്യും. തിരുവൈരാണിക്കുളം ട്രസ്റ്റുമായി സഹകരിച്ച് ഗൗരിശങ്കരമെന്ന പേരിലാണ് വിവാഹബ്യൂറോ ഇവിടെ പ്രവര്ത്തിക്കുന്നത്.
