ന്യൂദല്ഹി: സമാജ്വാദി പാര്ട്ടി അധ്യക്ഷന് മുലായം സിംഗ് യാദവും ഉത്തര്പ്രദേശിലെ നിയുക്ത മുഖ്യമന്ത്രി അഖിലേഷ് യാദവും സി.പി.എം ജനറല് സെക്രട്ടറി പ്രകാശ് കാരാട്ടുമായി കൂടിക്കാഴ്ച നടത്തി.
കോണ്ഗ്രസിനും ബി.ജെ.പിക്കും ബദലായി മൂന്നാം മുന്നണി രൂപീകരണം സജീവമാക്കാനുള്ള ചര്ച്ചകളും നടന്നുവെന്നാണ് റിപ്പോര്ട്ടുകള്. മൂന്നാം മുന്നണി എന്ന ആശയം മികച്ചതാണെന്ന് അഖിലേഷ് യാദവ് കഴിഞ്ഞ ദിവസം പറഞ്ഞതും കൂടിക്കാഴ്ചയ്ക്ക് പ്രാധാന്യമേറ്റിയിരുന്നു.
ആണവ കരാറിന്റെ പേരില് ഇടതുപക്ഷം യു.പി.എ സര്ക്കാരിനുള്ള പിന്തുണ പിന്വലിച്ച ശേഷം സമാജ്വാദി പാര്ട്ടിയുമായി സി.പി.എം അകലം പാലിച്ചു വരികയായിരുന്നു. യു.പി,.എ സര്ക്കാരിന് പുറത്ത് നിന്ന് പിന്തുണ നല്കി വരികയാണ് എസ്.പി.
