ന്യൂദല്ഹി: പോളിയോ വിമുക്തമായെന്നു പ്രഖ്യാപിച്ച ശേഷവും രാജ്യത്ത് ഭീഷണി നിലനില്ക്കുന്നതായി റിപ്പോര്ട്ട്. ഒരു വര്ഷമായി രാജ്യത്ത് പോളിയോ കേസുകള് റിപ്പോര്ട്ട് ചെയ്തിട്ടില്ലെന്നും 12,000 കോടി രൂപയുടെ നിര്മാര്ജ്ജന പ്രവര്ത്തനങ്ങളാണ് നടത്തിയതെന്നും കേന്ദ്ര ആരോഗ്യമന്ത്രി ഗുലാം നബി ആസാദ് പറഞ്ഞു. എന്നാല് ഇന്ത്യയില് നിന്നു പുറത്തേക്കു വ്യാപിച്ച പോളിയോ വൈറസുകള് അതേ വഴിയിലൂടെ തിരിച്ചെത്തുമെന്നാണ് ഭീഷണി.
പാക്കിസ്ഥാനില് കഴിഞ്ഞവര്ഷം പി-1 വൈറസ് ബാധയുണ്ടായി. 190 കേസുകളാണ് ഇവിടെ റിപ്പോര്ട്ട് ചെയ്തത്. 20 വര്ഷമായി പോളിയോ വിമുക്തമായ ചൈനയിലേക്കും ഇത് പടര്ന്നു. അതേസമയം, പി-3 വൈറസ് ഏഷ്യയില് വ്യാപകമാകുന്നതായും റിപ്പോര്ട്ടുണ്ട്. ബംഗ്ലാദേശ്, പാക്കിസ്ഥാന്, നമീബിയ, അംഗോള, ലെബനന് താജിക്കിസ്ഥാന് എന്നിവിടങ്ങളില് പോളിയോ പൊട്ടിപ്പുറപ്പെട്ടത് ഇന്ത്യയില്നിന്നുള്ള വൈറസ് ബാധമൂലമാണെന്ന് ലോകാരോഗ്യ സംഘടന വൃത്തങ്ങള് അറിയിച്ചു. പാക്കിസ്ഥാന് അതിര്ത്തിവഴിയാണ് വൈറസ് വ്യാപനം നടക്കുന്നത്. ഇതുവഴി തന്നെ വൈറസ് തിരിച്ചുവരാനും സാധ്യതയുണ്ടെന്ന് റിപ്പോര്ട്ടില് പറയുന്നു. ഇക്കാര്യം മുന്നിര്ത്തി കാശ്മീര്, രാജസ്ഥാന്, പഞ്ചാബ് അതിര്ത്തികളില് തീവ്ര പോളിയോ നിര്മാര്ജ്ജന പദ്ധതികള്ക്കു ശ്രമം തുടങ്ങിയിട്ടുണ്ട്. വാഗ, മുനാബൊ, അട്ടാരി എന്നിവിടങ്ങളില്നിന്നു വരുന്ന അഞ്ചുവയസ്സിനു താഴെയുള്ള കുട്ടികള്ക്കു പോളിയോ തുള്ളിമരുന്നു നല്കുന്നുണ്ട്. അതേസമയം, അതിര്ത്തി വഴി വൈറസ് പടരുമെന്ന് ആശങ്കയുള്ളതായി ആരോഗ്യ മന്ത്രാലയം അറിയിച്ചു.
രാജ്യം പോളിയോ വിമുക്തമല്ലെന്ന് റിപ്പോര്ട്ട്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.