ന്യൂദല്ഹി: വിവിധ പ്രശ്നങ്ങളുടെ പേരില് തുടര്ച്ചയായി പാര്ലമെന്റ് നടപടികള് തടസപ്പെടുന്ന സാഹചര്യം ഒഴിവാക്കണമെന്നു പ്രധാനമന്ത്രി മന്മോഹന് സിങ് അഭ്യര്ത്ഥിച്ചു. ഇക്കാര്യത്തില് പ്രതിപക്ഷം സഹകരിക്കണം. പാര്ലമെന്റ് നടത്തിക്കൊണ്ടുപോകുക ശ്രമകരമാണ്. സഭാ നടപടികള് മുന്നോട്ടുകൊണ്ടുപോകാന് പ്രതിപക്ഷത്തിനും ബാധ്യതയുണ്ടെന്നും പ്രധാനമന്ത്രി പ്രിതികരിച്ചു.
മുന് കേരള മുഖ്യമന്ത്രിയും അന്തരിച്ച കോണ്ഗ്രസ് നേതാവുമായ കെ.കരുണാകരന്റെ പേരില് ഏര്പ്പെടുത്തിയിട്ടുള്ള മികച്ച ഭരണാധികാരിക്കുള്ള അവാര്ഡ് കേന്ദ്ര ധനമന്ത്രി പ്രണബ് മുഖര്ജിക്ക് സമ്മാനിച്ച ശേഷം സംസാരിക്കുകയായിരുന്നു പ്രധാനമന്ത്രി.
സഭാ നടപടികള് സുഗമമായി കൊണ്ടുപോകേണ്ടത് ഭരണകക്ഷിയുടെ മാത്രം ചുമതലയല്ല. പ്രതിപക്ഷത്തിനും ഇക്കാര്യത്തില് തുല്യ ഉത്തരവാദിത്വമാണുള്ളത്. ജനങ്ങള്ക്ക് ആവശ്യമായ കാര്യങ്ങള് ചര്ച്ച ചെയ്യേണ്ട വിലയേറിയ സമയമാണ് അംഗങ്ങള് ഇതിലൂടെ പാഴാക്കുന്നതെന്നും മന്മോഹന് ചൂണ്ടിക്കാട്ടി.
തദവസരത്തില് പ്രണബിനെ പ്രശംസ കൊണ്ട് മൂടാനും പ്രധാനമന്ത്രി മറന്നില്ല. മികച്ച ഭരണപാടവവും കഴിവുമുള്ള ചുരുക്കം ചില നേതാക്കന്മാരിലൊരാളാണ് പ്രണബ്. പൊതുരംഗത്തുള്ള അദ്ദേഹത്തിന്റെ അനുഭവ സമ്പത്തും കഴിവും രാഷ്ട്രത്തിന് മുതല്ക്കൂട്ടാണ്. കെ.കരുണാകരനും അത്തരത്തിലൊരു ഭരണാധികാരിയായിരുന്നുവെന്നും പ്രധാനമന്ത്രി പറഞ്ഞു.
