കൊച്ചി: തിന്ന ചോറിന് നന്ദി കാണിക്കാത്ത അഡ്വക്കേറ്റ് ജനറല് കേരളത്തിന് അപമാനമാണെന്ന് ബിജെപി ജില്ലാ പ്രസിഡന്റ് അഡ്വ. പി.ജെ.തോമസ് പ്രസ്താവിച്ചു. അദ്ദേഹം കേരളത്തിന്റെ അഡ്വക്കേറ്റ് ജനറല് എന്ന നിലയില് തമിഴ്നാടിന് വേണ്ടിയാണ് വാദിച്ചത്. ഈ വാദം ഉമ്മന്ചാണ്ടിയെയും കേരളാ സര്ക്കാരിനെയും പ്രതിക്കൂട്ടിലാക്കിയിരിക്കുന്നു. സര്ക്കാരിന്റെ ആത്മാര്ത്ഥതയും വിശ്വാസ്യതയുമാണ് സംശയത്തിലായിരിക്കുന്നത്. ഈ അഡ്വക്കേറ്റ് ജനറലിനെ ഉടന് പുറത്താക്കാന് മുഖ്യമന്ത്രി തയ്യാറാകണം, അദ്ദേഹം ആവശ്യപ്പെട്ടു.
അഡ്വക്കേറ്റ് ജനറല് ഹൈക്കോടതിയില് നല്കിയ സത്യവാങ്മൂലത്തിനെതിരെ ബിജെപി എറണാകുളം നഗരത്തില് നടത്തിയ പ്രതിഷേധ പ്രകടനം ഉദ്ഘാടനം ചെയ്യുകയായിരുന്നു അദ്ദേഹം. പ്രവര്ത്തകര് ദണ്ഡപാണിയുടെ വീടിന് മുമ്പില് അദ്ദേഹത്തിന്റെ കോലം കത്തിച്ചു. ബിജെപി എറണാകുളം നിയോജകമണ്ഡലം പ്രസിഡന്റ് കെ.എസ്.സുരേഷ് കുമാര്, ജനറല് സെക്രട്ടറി പി.ജി.അനില് കുമാര്, ടി.ബാലചന്ദ്രന്, യു.ആര്.രാജേഷ്, സി.ജി.രാജഗോപാല്, ദിലീപ് കുമാര്, ദിനേശ്, അജിത്, വേണുഗോപാല്, ഉപേന്ദ്രന് തുടങ്ങിയവര് നേതൃത്വം നല്കി.
