വാഷിംഗ്ടണ്: ലോകം മുഴുവനുമുള്ള കമ്പ്യൂട്ടറുകളില് കടന്നുകയറാനുള്ള സോഫ്റ്റ് വെയര് പ്രചരിപ്പിച്ചതിന് അമേരിക്കയില് ഏഴുപേര്ക്കെതിരെ കുറ്റപത്രം നല്കി. ഒരു റഷ്യക്കാരനും ആറ് എസ്ജോനിയക്കാര്ക്കുമെതിരെയാണ് അമേരിക്കന് ഭരണകൂടം കേസ് എടുത്തിരിക്കുന്നത്. 4 മില്ല്യണ് കമ്പ്യൂട്ടറുകളില് 100 രാജ്യങ്ങളിലായി ഉപഭോക്താക്കളെ ഓണ്ലൈന് പരസ്യങ്ങളിലെത്തിക്കുന്ന സോഫ്റ്റ് വെയര് ഇവര് പ്രചരിപ്പിച്ചതായി കണക്കാക്കപ്പെടുന്നു. ഉപഭോക്താക്കള്ക്ക് ലഭിക്കുന്ന പരസ്യ സൈറ്റുകളില്നിന്ന് ഇവര് 14 മില്ല്യണ് അമേരിക്കന് ഡോളര് പ്രതിഫലം സ്വീകരിച്ചതായും ആരോപണമുണ്ട്. ഇത്തരത്തില് അമേരിക്കയില് മാത്രം അഞ്ചുലക്ഷം കമ്പ്യൂട്ടറുകളില് ഇവര് കടന്നുകയറിയതായി കണക്കാക്കപ്പെടുന്നു. ഇതില് 130 കമ്പ്യൂട്ടറുകള് അമേരിക്കന് ബഹിരാകാശ ഏജന്സിയായ നാസയുടേതായിരുന്നു.
നാസയിലെ വിദഗ്ദ്ധരാണ് ഈ സോഫ്റ്റ് വെയര് തങ്ങളുടെ കമ്പ്യൂട്ടറുകളില് കടന്നുകയറിയതായി ആദ്യം കണ്ടെത്തിയത്. ഇതാദ്യമായാണ് കുറ്റവാളികള് തങ്ങളുടെ സ്വന്തം സെര്വര് സ്ഥാപിച്ച് കമ്പ്യൂട്ടറുകളെ പരസ്യത്തിലേക്കു തിരിച്ചുവിടുന്ന സംഭവം കണ്ടെത്തിയിരിക്കുന്നതെന്ന് മാന്ഹാട്ടണിലെ അമേരിക്കന് അറ്റോര്ണി പ്രീത് ഭരാര പറഞ്ഞു. ആമസോണ് നെറ്റ് ഫ്ലിക്സ്, ഇഎസ്പിഎന് എന്നീ സൈറ്റുകളില് കയറിയവരെയാണ് പിടിയിലായവര് പരസ്യങ്ങളിലേക്ക് തിരിച്ചുവിട്ടിരുന്നതെന്ന് അധികൃതര് അറിയിച്ചു.
കമ്പ്യൂട്ടര് ഹാക്കിംഗ്; ഏഴ് പേര് പിടിയില്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.