തിരുവനന്തപുരം: കേരള പബ്ലിക് സര്‍വീസ് കമ്മിഷന്റെ ഔദ്യോഗിക എംബ്ലം ഉപയോഗിച്ചും കമ്മിഷന്റെ പേരോ സമാനമായ പേരുകളോ ഉപയോഗിച്ചും സ്വകാര്യ വ്യക്തികളും സ്ഥാപനങ്ങളും വാട്‌സ്ആപ്പ് ഗ്രൂപ്പുകള്‍, ടെലിഗ്രാം ചാനലുകള്‍, ഫെയ്‌സ്ബുക്ക് പേജ്, യൂട്യൂബ് ചാനല്‍ എന്നിവ നടത്തുന്നത് കുറ്റകരമെന്ന് പിഎസ്സി അറിയിച്ചു.
ഇവയൊക്കെ കമ്മിഷന്റെ ഔദ്യോഗിക സോഷ്യല്‍ മീഡിയ സംവിധാനമാണെന്ന് ഉദ്യോഗാര്‍ത്ഥികള്‍ തെറ്റിദ്ധരിക്കാനുള്ള സാധ്യതയുണ്ട്. അതുപോലെ പിഎസ്സി അംഗീകൃത കോഴ്‌സുകള്‍ എന്ന രീതിയില്‍ തെറ്റായി പരസ്യം ചെയ്തുകൊണ്ട് വിവിധ സ്ഥാപനങ്ങള്‍ പ്രവര്‍ത്തിക്കുന്നതും ശ്രദ്ധയില്‍പ്പെട്ടിട്ടുണ്ട്. പിഎസ്സി. അംഗീകൃതം എന്ന് പരസ്യം ചെയ്തുകൊണ്ട് കോഴ്‌സുകള്‍ നടത്തുന്നതും കുറ്റകരമാണെന്ന് പിഎസ്സി അറിയിച്ചു.
പ്രതികരിക്കാൻ ഇവിടെ എഴുതുക: