കൊച്ചി: സിഎംആര്എല് മാസപ്പടി കേസില് സിപിഎം നേതാവ് പി.എ. മുഹമ്മദ് റിയാസിനെതിരെ ഹസന് വാരിസ് നല്കിയ മൊഴി പിന്വലിക്കാന് കഴിയില്ലെന്ന് ഇ.ഡി വ്യക്തമാക്കി. റെയ്ഡിനിടെ നല്കുന്ന മൊഴികള് പിന്നീട് പിന്വലിക്കാന് നിയമപരമായി വ്യവസ്ഥയില്ല. പിടിച്ചെടുത്ത രേഖകളുടെ അടിസ്ഥാനത്തിലാണ് ഇത്തരം മൊഴികള് രേഖപ്പെടുത്തുന്നത്. കേസിന്റെ വിചാരണ വേളയില് മാത്രമേ ഇക്കാര്യം ഉന്നയിക്കാനാവൂ.
ഹസന് വാരിസിന് പുറമെ കേസില് ഉള്പ്പെട്ട മറ്റ് സുഹൃത്തുക്കളുടെ മൊഴികളും ബാങ്ക് ഇടപാട് വിവരങ്ങളും തങ്ങളുടെ പക്കല് തെളിവായിട്ടുണ്ടെന്നും ഇ.ഡി വ്യക്തമാക്കുന്നു.
തനിക്കും തന്റെ മകള്ക്കുമെതിരെ കള്ളക്കേസ് ചുമത്തുമെന്നും ജയിലിലടയ്ക്കുമെന്നും ഇ.ഡി ഉദ്യോഗസ്ഥര് ഭീഷണിപ്പെടുത്തിയതുകൊണ്ടാണ് റിയാസിനെതിരെയുള്ള കള്ളമൊഴിയില് ഒപ്പിടേണ്ടി വന്നതെന്നാണ് ഹസന് വാരിസ് ആരോപിക്കുന്നത്. ഇക്കാര്യം ചൂണ്ടിക്കാട്ടി റിയാസിനെതിരായി നല്കിയ മൊഴി പിന്വലിക്കാന് ഹസന് നല്കിയ സത്യവാങ്മൂലത്തെക്കുറിച്ച് പ്രതികരിക്കുകയായിരുന്നു ഇഡി വൃത്തങ്ങള്.
