ന്യൂദല്ഹി: ജന്മഭൂമി സംഘടിപ്പിക്കുന്ന ‘വണ് എപിക്, മെനി സ്റ്റോറീസ്: രാമകഥ എക്രോസ് ഭാരത് ആന്ഡ് ബിയോണ്ട്’ ത്രിദിന ദേശീയ കോണ്ക്ലേവിന്റെ ഭാഗമായുള്ള സാംസ്കാരിക സായാഹ്നത്തില് ‘ശ്രീരാമ പട്ടാഭിഷേകം’ കഥകളിയും. സൗത്ത് സോണ് കള്ച്ചറല് സെന്ററിന്റെ ആഭിമുഖ്യത്തില് പാലക്കാട് നിന്നുള്ള കലാമണ്ഡലം ഗിരീഷും 30 അംഗ സംഘവുമാണ് ശ്രീരാമ പട്ടാഭിഷേകം അരങ്ങിലെത്തിക്കുന്നത്.
സപ്തംബര് 18 മുതല് കൊച്ചി ഭാസ്കരീയം കണ്വെന്ഷന് സെന്ററില് നടക്കുന്ന കോണ്ക്ലേവിന്റെ രണ്ടാം ദിനത്തില് വൈകിട്ട് 5 മുതല് 6.30വരെയാണ് കഥകളി അവതരിപ്പിക്കുക.
ജന്മഭൂമി രാമകഥ കോണ്ക്ലേവിന്റെ ഔദ്യോഗിക സാംസ്കാരിക പങ്കാളിയായ കേന്ദ്ര സാംസ്കാരിക മന്ത്രാലയത്തിന് കീഴിലുള്ള സൗത്ത് സോണ് കള്ച്ചറല് സെന്ററിന്റെ നേതൃത്വത്തില് നിരവധി കലാകാരന്മാര് സാംസ്കാരിക സായാഹ്നത്തിലേക്ക് എത്തുന്നുണ്ട്.
കോണ്ക്ലേവിലേക്കുള്ള രജിസ്ട്രേഷനും പ്രബന്ധങ്ങളുടെ സമര്പ്പണവും നാളെ രാത്രി 10ന് അവസാനിക്കും. ജന്മഭൂമിയുടെ ഔദ്യോഗിക വെബ്പോര്ട്ടലായ ഷമിാമയവൗാശ.ശി വഴിയാണ് രജിസ്ട്രേഷന് പൂര്ത്തിയാക്കേണ്ടത്. അക്കാദമിക് വിദഗ്ദ്ധര്ക്കും വിദ്യാര്ത്ഥികള്ക്കും ഗവേഷകര്ക്കും ഒപ്പം പൊതുജനങ്ങള്ക്കും രജിസ്റ്റര് ചെയ്യാം. പ്രബന്ധങ്ങള് janmabhumi.in se ‘submit your paper’ എന്ന ഓപ്ഷന് വഴിയും കോണ്ക്ലേവില് പങ്കെടുക്കാന് ആഗ്രഹിക്കുന്നവര്ക്ക് ഇതേ പോര്ട്ടല് വഴി ‘ൃലഴശേെലൃ മ െമ റലഹലഴമലേ’ എന്ന ഓപ്ഷന് വഴി ഡെലിഗേറ്റ് രജിസ്ട്രേഷനും നടത്താം.
