കോട്ടയം: വിദേശ ജോലി വാഗ്ദാനം ചെയ്ത് ഒരു കോടിയിലധികം രൂപ തട്ടിയെടുത്തയാള് പിടിയില്. തൃശൂര് കല്ലൂര്ക്കാട് സ്വദേശി ജെന്സണ്(31 ആണ് പിടിയിലായത്. ചങ്ങനാശ്ശേരി പോലീസ് സ്റ്റേഷനില് രജിസ്റ്റര് ചെയ്ത കേസില് പ്രതിക്കെതിരെ ലുക്ക് ഔട്ട് സര്ക്കുലര് പുറപ്പെടുവിച്ചിരുന്നു.
ചങ്ങനാശ്ശേരി ആസ്ഥാനമായി പ്രവര്ത്തിച്ചിരുന്ന എബിഎല്എസ് ഹ്യൂമന് റിസോഴ്സസ് പ്രൈവറ്റ് ലിമിറ്റഡ് എന്ന സ്ഥാപനത്തിന്റെ പേരിലാണ് ജെന്സണ് തട്ടിപ്പു നടത്തിയത്. ജോലി നല്കുകയോ പണം തിരികെ നല്കുകയോ ചെയ്യാതെ ഉദ്യോഗാര്ത്ഥികളെ വഞ്ചിച്ചെന്നാണ് കേസ്. അഹമ്മദാബാദ് വിമാനത്താവളം വഴി അര്മേനിയയിലേക്ക് പോകാന് ശ്രമിക്കുന്നതിനിടെയാണ് പ്രതി പിടിയിലായത്. തുടര്ന്ന് ചങ്ങനാശ്ശേരി പോലീസ് ഇയാളെ അഹമ്മദാബാദില് നിന്ന് കസ്റ്റഡിയിലെടുത്തു. കോടതിയില് ഹാജരാക്കിയ ജെന്സനെ റിമാന്ഡ് ചെയ്തു.
