കണ്ണൂർ ; ഹിന്ദു ഐക്യവേദി ഭാരവാഹിയും ആർഎസ്എസ് നേതാവുമായ വത്സൻ തില്ലങ്കേരിയുടെ പേര് പ്രചാരണ ആയുധമാക്കി സിപിഎം നേതാക്കൾ കോടികളുടെ സൊസൈറ്റി പിരിവു നടത്തിയതായി ആരോപണം. പയ്യന്നൂർ ധനരാജ് ഫണ്ട് തട്ടിപ്പും ഹലാൽ ഫായ്ദ വഞ്ചനയും കോടിയേരി സ്മാരക ഭൂമിയിടപാടിലെ ക്രമക്കേടും സൃഷ്ടിച്ച കരിനിഴലിനു പിന്നാലെയാണ് കണ്ണൂരിൽ സിപിഎമ്മിനെ വെട്ടിലാക്കി മറ്റൊരു സാമ്പത്തിക തട്ടിപ്പു കൂടി പുറത്ത് വരുന്നത്. ഹിന്ദു ഐക്യവേദി നേതാവ് ശശികല ടീച്ചറാണ് ഇതിന്റെ വിശദവിവരങ്ങൾ സോഷ്യൽ മീഡിയയിൽ പങ്ക് വച്ചിരിക്കുന്നത്.
വത്സൻ തില്ലങ്കേരിയുടെ നേതൃത്വത്തിൽ ഇരിട്ടിയിൽ പ്രവർത്തിക്കുന്ന ‘പ്രഗതി’ ട്യൂട്ടോറിയൽ കോളജിന് ബദൽ വേണമെന്ന ആശയമാണ് തട്ടിപ്പിന് അടിസ്ഥാനമാക്കിയത്. പ്രഗതിയിൽ പഠിക്കുന്ന മലയോരത്തെ വിദ്യാർഥികൾക്ക് ഹിന്ദുത്വ ചിന്താഗതികൾ കൈവരുമെന്നും അതിനെ ചെറുക്കാൻ പാർട്ടി നിയന്ത്രണത്തിൽ കോളജ് വേണമെന്നും പറഞ്ഞ് പ്രവർത്തകരെ ആവേശം കൊള്ളിച്ചായിരുന്നു പിരിവെന്നും പോസ്റ്റിൽ പറയുന്നു
ഫേസ്ബുക്ക് പോസ്റ്റിന്റെ പൂർണ്ണരൂപം…
വത്സൻ തില്ലങ്കേരിയുടെ പേരും ആയുധമാക്കി; കണ്ണൂരിൽ വീണ്ടും പണം തട്ടിപ്പിൽ കുടുങ്ങി സിപിഎം
ഇരിട്ടി (കണ്ണൂർ): പയ്യന്നൂർ ധനരാജ് ഫണ്ട് തട്ടിപ്പും ഹലാൽ ഫായ്ദ വഞ്ചനയും കോടിയേരി സ്മാരക ഭൂമിയിടപാടിലെ ക്രമക്കേടും സൃഷ്ടിച്ച കരിനിഴലിനു പിന്നാലെ കണ്ണൂരിൽ സിപിഎമ്മിനെ വെട്ടിലാക്കി മറ്റൊരു സാമ്പത്തിക തട്ടിപ്പു കൂടി പുറത്തേക്ക്. ആർഎസ്എസ് പ്രമുഖ നേതാവ് വത്സൻ തില്ലങ്കേരിയുടെ പേര് പ്രചാരണ ആയുധമാക്കിയാണ് പ്രാദേശിക പാർട്ടി നേതാക്കൾ കോടികളുടെ സൊസൈറ്റി പിരിവു നടത്തിയത്.
ഹിന്ദു ഐക്യവേദി ഭാരവാഹിയും ആർഎസ്എസ് നേതാവുമായ വത്സൻ തില്ലങ്കേരിയുടെ നേതൃത്വത്തിൽ ഇരിട്ടിയിൽ പ്രവർത്തിക്കുന്ന ‘പ്രഗതി’ ട്യൂട്ടോറിയൽ കോളജിന് ബദൽ വേണമെന്ന ആശയമാണ് തട്ടിപ്പിന് തറക്കല്ലിട്ടത്. #പ്രഗതിയിൽപഠിക്കുന്ന #മലയോരത്തെ #വിദ്യാർഥികൾക്ക് #ഹിന്ദുത്വ ചിന്താഗതികൾ കൈവരുമെന്നും അതിനെ ചെറുക്കാൻ പാർട്ടി നിയന്ത്രണത്തിൽ കോളജ് വേണമെന്നും പറഞ്ഞ് പ്രവർത്തകരെ ആവേശം കൊള്ളിച്ചായിരുന്നു പിരിവ്.
ഇതിനു മുന്നോടിയായി 2015-ൽ സിപിഎം ഇരിട്ടി ഏരിയ കമ്മിറ്റിയുടെ പൂർണ പിന്തുണയോടെ ‘നോർത്ത് മലബാർ എജ്യുക്കേഷനൽ സൊസൈറ്റി’ എന്ന പേരിലാണ് ട്രസ്റ്റ് റജിസ്റ്റർ ചെയ്തത്. സ്വാശ്രയ സെൽഫ് ഫിനാൻസിങ് കോളജ് യാഥാർഥ്യമാക്കുമെന്ന വാഗ്ദാനം നൽകി പാർട്ടി മെഷിനറി മുഴുവൻ ഉപയോഗിച്ചായിരുന്നു തുക സമാഹരിച്ചത്.
**************************************
തട്ടിപ്പ് അവിടെ നില്ക്കട്ടെ
അത് പാർട്ടി ചർച്ച ചെയ്യട്ടെ!
#പ്രഗതി കോളേജിൽ പഠിച്ചാൽ
മലയോര വിദ്യാർത്ഥികളിൽ #ഹിന്ദുത്വ ബോധം ഉണ്ടാകും എന്ന് ഭയക്കുന്ന പാർട്ടിയോട് എനിക്കൊന്നു ചോദിക്കാനുണ്ട്
കേരളത്തിൽ ഇസ്ലാമിക മതപഠനവും
ശരിയത് നിയമവും ഒപ്പം സ്കൂൾ വിദ്യാഭ്യാസവും കോളേജ് വിദ്യാഭ്യാസവും പ്രൊഫഷണൽ വിദ്യാഭ്യാസവും ഒക്കെ നടത്തുന്ന മഹത് സാമ്രാജ്യങ്ങൾ അനവധിയുണ്ട് !
ഇതിൽ പഠിച്ചാൽ കുട്ടികൾക്ക് ഇസ്ലാമിക ബോധം ഉണ്ടാകും എന്ന് ഭയന്ന് എവിടെയെങ്കിലും പാർട്ടി സമാന്തര സ്ഥാപനം ഉണ്ടാക്കാൻ ശ്രമിച്ചിട്ടുണ്ടോ?
സഖാക്കൾ ചിന്തിക്കുക!?
ഇല്ല എന്നാണ് നിങ്ങളുടെ ഉത്തരമെങ്കിൽ എന്തുകൊണ്ട്? എന്നതിനും നിങ്ങൾ ഉത്തരം കണ്ടെത്തണം
