കൊല്ലം: സംസ്ഥാനത്തെ സാമൂഹ്യസാഹചര്യം മലീമസമായിരിക്കുന്ന വര്ത്തമാന കാലഘട്ടത്തില് കുട്ടികള്ക്ക് ഭാരതീയ മൂല്യങ്ങള് കുടുംബത്തില് തന്നെ ഉറപ്പാക്കുന്നതാണ് ഉത്തമമെന്ന് ഹിന്ദുഐക്യവേദി സംസ്ഥാന വര്ക്കിങ് പ്രസിഡന്റ് വത്സന് തില്ലങ്കേരി. ലോക്കോപൈലറ്റ്സ് സംഘബന്ധു വൈഭവ് ഭാരതി രണ്ടാം പൊതുസഭയും ശ്രേഷ്ഠവന്ദനവും ഉദ്ഘാടനം ചെയ്യുകയായിരുന്നു അദ്ദേഹം.
ധര്മത്തെയും സംസ്കാരത്തെയും തെറ്റായി വ്യാഖ്യാനിക്കുകയും പ്രചരിപ്പിക്കുകയും ചെയ്യുന്ന പ്രവണത കേരളത്തില് രൂക്ഷമാണ്. ധര്മത്തെ നന്നായിത്തന്നെ മനസിലാക്കണം. ഭാരതീയതയും സനാതനസംസ്കാരവും ത്യാഗത്തിനും സേവനത്തിനും ഊന്നല് നല്കുന്നു. പക്ഷിക്ക് രണ്ട് ചിറകുകള് പോലെയാണവ. ഭാരതീയസംസ്കാരത്തെപറ്റി അടിസ്ഥാനരഹിരതമായ വികല്പ്പനകള് പടച്ചുണ്ടാക്കുന്നതും വ്യാപകമായി പ്രചരിപ്പിക്കുന്നതും കാണാതിരിക്കരുത്. ഈശാവാസ്യോപനിഷത്തില് പ്രപഞ്ചസത്യത്തെ മുഴുവന് സരളമായി പറഞ്ഞുതരുന്നുണ്ട്. സര്വസമ്പത്തിനും അധികാരി ഈശ്വരനാണ്. ത്യജിച്ച് കഴിഞ്ഞ് ബാക്കിയുള്ളതാണ് നാം ഉപയോഗിക്കേണ്ടത്. എടുക്കുന്നതിനേക്കാള് കൂടുതല് സമൂഹത്തിനായി കൊടുക്കണം എന്നാണ് ഭാരതസംസ്കൃതി പഠിപ്പിക്കുന്നത്. എല്ലാം എന്റേത് എന്ന് ചിന്തിക്കുന്നത് ഭ്രമകല്പ്പനയും വ്യാമോഹവുമാണ്. പലതും നമ്മുടെതല്ലെന്ന് ബോധ്യപ്പെടുകയാണ് ആദ്യം വേണ്ടതെന്നും അദ്ദേഹം പറഞ്ഞു.
സംഘടന പ്രസിഡന്റ് രമേശ്കുമാര് അധ്യക്ഷനായി. നിയുക്ത ചാത്തന്നൂര് എംഎല്എ ബി.ബി. ഗോപകുമാര് വിശിഷ്ടാതിഥിയായി. റെയില്വെയുടെ വികസനത്തില് നിശബ്ദമായി പങ്ക് വഹിക്കുന്ന ലോക്കോപൈലറ്റുമാരുടെ സേവനം മാതൃകയാണെന്നും സഹജീവികളോട് കാരുണ്യം കാട്ടുന്ന പദ്ധതികളിലൂടെ സാമൂഹ്യപ്രതിബദ്ധത കൂടിയാണ് നിറവേറ്റുന്നതെന്നും ഗോപകുമാര് പറഞ്ഞു.
എല്ലാതരം സാമൂഹ്യവിപത്തുകളിലുംപെട്ട് ആദ്യം തകര്ന്നുപോകുന്നത് ഹിന്ദുകുടുംബങ്ങളാണെന്ന് ബിജെപി സംസ്ഥാന വക്താവ് പി.ആര്. ശിവശങ്കര് പറഞ്ഞു. കുടുംബത്തെ സംരക്ഷിക്കാന്, കുടുംബാംഗങ്ങളെ ഒന്നിച്ചുനിര്ത്താന് സാധിച്ചാല് അത് വ്യക്തികള്ക്കും സമാജത്തിനും വലിയ നേട്ടമായിത്തീരുമെന്നും അദ്ദേഹം പറഞ്ഞു. സേവാഭാരതി സംസ്ഥാന വൈസ് പ്രസിഡന്റ് ഡി. വിജയന്, ധര്മപ്രചാരക് കൃഷ്ണകുമാര് എന്നിവരും സംസാരിച്ചു. ചടങ്ങില് സുകൃതം പദ്ധതി ഉദ്ഘാടനവും വയനാട് പുനരധിവാസ നിധി സമര്പ്പണവും നടന്നു.
