മേടക്കൂറ്: അശ്വതി, ഭരണി, കാര്ത്തിക (1/4)
പൊതുവില് എല്ലാ കാര്യങ്ങളിലും വിജയമുണ്ടാകും. സഹോദരങ്ങളില്നിന്ന് കാര്യമായ സഹായങ്ങള് ലഭിക്കും. ആദായം കിട്ടുന്ന പ്രവര്ത്തനങ്ങളില് വ്യാപൃതനാകും. പൂര്വിക സ്വത്ത് മുഖേന ധനാഗമമുണ്ടാകും. സ്ത്രീകള് നിമിത്തം അപമാനിതരാകാതിരിക്കാന് ശ്രദ്ധിക്കണം.
ഇടവക്കൂറ്: കാര്ത്തിക (3/4), രോഹിണി, മകയിരം (1/2)
പുതിയ ജോലിയില് പ്രവേശിക്കും. ഉദ്ദിഷ്ട കാര്യം സിദ്ധിക്കുന്നതാണ്. വാക്കുതര്ക്കങ്ങളില് വിജയിക്കും. എല്ലാ കാര്യങ്ങളും ആലോചിച്ചു പ്രവര്ത്തിച്ചാല് ദുഃഖിക്കേണ്ടിവരില്ല. സമയക്കുറവു കാരണം പല ജോലികളും ചെയ്തുതീര്ക്കാന് സാധിക്കാതെ വരും. അയല്ക്കാരുമായി പിണങ്ങേണ്ടിവരും.
മിഥുനക്കൂറ്: മകയിരം (1/2), തിരുവാതിര, പുണര്തം (3/4)
സര്ക്കാര് സര്വീസില് പ്രവേശിക്കാനവസരമുണ്ടാകും. അനാവശ്യ കാര്യങ്ങള്ക്കായി പണം ചെലവഴിക്കും. ഉന്നത വിദ്യാഭ്യാസത്തിനായി യത്നിക്കുന്നതാണ്. ഗൃഹത്തില് ആഡംബര വസ്തുക്കള് വാങ്ങാനിടവരും. സന്താനങ്ങളെക്കൊണ്ടുണ്ടായ പ്രശ്നങ്ങള് മനസ്സിനെ അസ്വസ്ഥമാക്കും.
കര്ക്കടകക്കൂറ്: പുണര്തം (1/4), പൂയം, ആയില്യം
ആരോഗ്യം തൃപ്തികരമാണ്. വായ്പകള്ക്ക് കാലതാമസം നേരിടും. കടബാധ്യതയില് മനസ്സ് അസ്വസ്ഥമാകും. വീട് മോടിപിടിപ്പിക്കാന് പണം ചെലവഴിക്കും. എല്ലാ കാര്യങ്ങളിലും ദൈവാധീനമുണ്ടാകും. ശ്രദ്ധിക്കാത്തതിനാല് പല കാര്യങ്ങളിലും പ്രയാസങ്ങള് നേരിടും.
ചിങ്ങക്കൂറ്: മകം, പൂരം, ഉത്രം (1/4)
പുണ്യസ്ഥലങ്ങള് സന്ദര്ശിക്കും. സ്വന്തം വ്യക്തിത്വത്തില് വിശ്വാസം കൂടും. മനസ്സില് പുതിയ പദ്ധതിക്ക് തുടക്കമിടും. ഓണ്ലൈന് ഇടപാട് മുഖേന വരുമാനമുണ്ടാകും. കൂട്ടുകച്ചവടത്തില് നഷ്ടം സംഭവിച്ചേക്കും. ജോലിസ്ഥലത്ത് അല്പ്പം അതൃപ്തി തോന്നാനിടയുണ്ട്. കര്മത്തില് ചില പ്രശ്നങ്ങള് ഉദയം ചെയ്യും.
കന്നിക്കൂറ്: ഉത്രം (3/4), അത്തം, ചിത്തിര (1/2)
ജോലിയില് പ്രവേശിക്കാനവസരമുണ്ടാകും. സാമ്പത്തിക ബാധ്യതകൊണ്ട് മാനസികമായി തളര്ന്നേക്കും. പുതിയ ചില എഗ്രിമെന്റുകളില് ഒപ്പുവെക്കും. ദേഹാരോഗ്യം കുറഞ്ഞുവരും. പല കാര്യങ്ങളിലും നിര്ണായകമായ തീരുമാനങ്ങള് കൈക്കൊള്ളേണ്ടിവരും. സര്ക്കാര് ആനുകൂല്യങ്ങള് ലഭിക്കാന് കാലതാമസം നേരിടും.
തുലാക്കൂറ്: ചിത്തിര (1/2), ചോതി, വിശാഖം (3/4)
സുഹൃത്തുക്കളുമായി ഉല്ലാസയാത്രകള് സംഘടിപ്പിക്കും. തലവേദനയോ രക്തസമ്മര്ദ്ദമോ പോലെയുള്ള അസുഖമോ വന്നേക്കാം. വ്യാപാരം അഭിവൃദ്ധിപ്പെടുത്തും. പല കാര്യങ്ങളിലും ഉത്കണ്ഠാകുലനാകും. വീടുവീട്ട് താമസിക്കേണ്ട സന്ദര്ഭങ്ങളുണ്ടാകും. തൊഴില്രഹിതര്ക്ക് ജോലി ലഭിക്കും.
വൃശ്ചികക്കൂറ്: വിശാഖം (1/4), അനിഴം, തൃക്കേട്ട
ശത്രുക്കളെ മിത്രങ്ങളായി മാറ്റും. വാഹനങ്ങളില്നിന്ന് കൂടുതല് ആദായം ലഭിക്കും. വേലക്കാരില്നിന്ന് നഷ്ടം സംഭവിക്കാതെ ശ്രദ്ധിക്കണം. പിതാവില്നിന്ന് ആനുകൂല്യം പ്രതീക്ഷിക്കാം. മതപരമായ കര്മങ്ങളില് പങ്കുകൊള്ളാനിടവരും. പൂര്വികസ്വത്ത് ക്രയവിക്രയം നടത്തും.
ധനുക്കൂറ്: മൂലം, പൂരാടം, ഉത്രാടം (1/4)
പോലീസ്, പട്ടാളം എന്നീ ജോലിയുള്ളവര്ക്ക് പ്രശംസയും അംഗീകാരവും ലഭിക്കും. പ്രേമകാര്യങ്ങളില് അപവാദത്തില് കലാശിക്കും. സ്വല്പം മനസമാധാനം ലഭിക്കും. പുണ്യസ്ഥലങ്ങള് സന്ദര്ശിക്കും. പുതിയ ജോലിക്ക് ചേരാന് സാധ്യതയുണ്ട്. പിതാവിന് രോഗം വരും. ഭാര്യയുടെ സ്വത്ത് പങ്കുവെക്കും.
മകരക്കൂറ്: ഉത്രാടം (3/4), തിരുവോണം, അവിട്ടം (1/2)
ജോലിയില് പ്രമോഷന് ലഭിക്കും. പ്രശസ്തിയും അംഗീകാരവും ഉയരും. കുടുംബാംഗങ്ങളുമായി വിനോദയാത്രക്കു പോകും. മനസ്വസ്ഥതയുണ്ടാകും. ഏജന്സി ഏര്പ്പാടുകള് നടത്തുന്നവര്ക്ക് അനുകൂല സമയമാണ്. സാമ്പത്തിക ഞെരുക്കത്തില്നിന്നും മനക്ലേശങ്ങളില്നിന്നും മുക്തി നേടും.
കുംഭക്കൂറ്: അവിട്ടം (1/2), ചതയം, പൂരുരുട്ടാതി (3/4)
എഴുത്തുകാര്ക്ക് ഈ സന്ദര്ഭം വളരെ ഗുണകരമാണ്. ഉയര്ന്ന വ്യക്തികളുമായി പരിചയപ്പെടാനും, അതുകൊണ്ട് പല നേട്ടങ്ങളുണ്ടാകാന് ഇടയുണ്ട്. എഴുത്തുകാര് എഴുതുമ്പോഴും രേഖകളില് ഒപ്പുവെക്കുമ്പോഴും വളരെ ശ്രദ്ധിക്കണം. മാസാവസാനം കടം കൊടുത്ത പണം തിരിച്ചുകിട്ടുന്നതാണ്.
മീനക്കൂറ്: പൂരുരുട്ടാതി (1/4), ഉതൃട്ടാതി, രേവതി
ബിസിനസില് പുരോഗതിയുണ്ടാകും. എല്ലാ കാര്യങ്ങളിലും ദൈവാധീനമുണ്ടാകും. ജോലിയില് തടസങ്ങള് വന്നുചേരും. ധനസ്ഥിതിയില് ഉയര്ച്ചയുണ്ടാകും. ചീത്ത കൂട്ടുകെട്ടില്നിന്ന് ഒഴിഞ്ഞുനില്ക്കാന് പ്രത്യേകം ശ്രദ്ധിക്കണം. പ്രധാന കാര്യങ്ങള് ചെയ്യുമ്പോള് വളരെ ആലോചിക്കേണ്ടതാണ്.
