കണ്ണൂര്:ജപ്പാനിലെ ജോലിസ്ഥലത്ത് കാണാതായ ഇരിട്ടിയില് നിന്നുളള യുവതിയെ ബുള്ളറ്റ് ട്രെയിന് ട്രെയിന് തട്ടി മരിച്ച നിലയില് കണ്ടെത്തി. ഇരിട്ടി തെക്കന്വീട്ടില് പ്രകാശന്റെയും ബീനയുടെയും മകള് വി ദേവികയെയാണ് (22) മരിച്ചനിലയില് കണ്ടെത്തിയത്.
ലാബ് ടെക്നീഷ്യന് പഠനത്തിന് ശേഷം ദേവിക ജപ്പാനിലെ ഇഗലൊ ചൊവന് സോഷ്യല് വെല്ഫെയര് കോര്പ്പറേഷനില് നഴ് സിംഗ് അസിസ്റ്റന്റായി ജോലി ചെയ്യുകയായിരുന്നു. മൂന്നു വര്ഷത്തെ കരാറില് ആറുമാസം മുന്പാണ് ജോലിയില് പ്രവേശിച്ചത്.
ജപ്പാനിലെ കമിഗാഹാരയിലാണ് സംഭവം. ബുധനാഴ്ച്ച ഇന്ത്യന് പ്രാദേശിക സമയം രാത്രി 10.20നാണ് സംഭവം. മൃതദേഹത്തിന് സമീപം നിന്ന് ലഭിച്ച ഐഡി കാര്ഡിലൂടെയാണ് മരിച്ചത് ദേവികയെന്ന് തിരിച്ചറിഞ്ഞത്.
മൃതദേഹം കേരളത്തിലേക്ക് കൊണ്ടുവരുന്നതില് പ്രാദേശിക ഭരണകൂടം ബുദ്ധിമുട്ട് അറിയിച്ചിട്ടുണ്ട്. ഇവ നീക്കുന്നതിനായി ഇന്ത്യന് എംബസിയുടെ സഹായം തേടിയിരിക്കുകയാണ് ബന്ധുക്കളും പ്രവാസി സംഘടനകളും.
