ഇടുക്കി: നീലക്കുറിഞ്ഞി പൂക്കള് തലയില് ചൂടുകയും പൂച്ചെണ്ടാക്കി കൈയില് പിടിച്ചും ഫോട്ടോഷൂട്ട് നടത്തിയ രണ്ട് യുവാക്കള്ക്കെതിരെ വനംവകുപ്പ് കേസ് രജിസ്റ്റര് ചെയ്തു.ഇടുക്കി, എറണാകുളം സ്വദേശികളാണ് യുവാക്കളെന്നാണ് വിവരം. ഫോട്ടോകള് സമൂഹമാധ്യമങ്ങളില് വൈറലായിരുന്നു.
നീലക്കുറിഞ്ഞി പൂക്കുന്ന ഇടങ്ങളില് സന്ദര്ശകര് പാലിക്കേണ്ട നിയന്ത്രണങ്ങള് സംബന്ധിച്ച് വനംവകുപ്പ് നേരത്തെ കര്ശന നിര്ദേശങ്ങള് നല്കിയിട്ടുണ്ട്.നിയന്ത്രണങ്ങളോടെയാണ് സഞ്ചാരികളെ ഇവിടേക്ക് പ്രവേശിപ്പിക്കുന്നത്.
മൂന്നാര് ഡിഎഫ്ഒയുടെ നിര്ദേശപ്രകാരമാണ് വനംവകുപ്പ് കേസ് രജിസ്റ്റര് ചെയ്തത്.
ചൊക്രമുടിയിലും ചിന്നക്കനാലിലുമാണ് നിലവില് നീലക്കുറിഞ്ഞി പൂത്തത്.
