മേടം: ഇന്ന് കാര്യതടസ്സങ്ങൾ നേരിടാം. മനഃപ്രയാസം, കലഹം, ധനനഷ്ടം തുടങ്ങിയ സാഹചര്യങ്ങൾ ഉണ്ടാകാനിടയുണ്ട്. വായ്‌പയ്‌ക്കായുള്ള ശ്രമങ്ങൾ പരാജയപ്പെടാനും സാധ്യതയുണ്ട്.
ഇടവം: അനുകൂല ദിനമാണ്. കാര്യവിജയത്തിനും മത്സരവിജയത്തിനും സാധ്യത. ഇഷ്ടഭക്ഷണം, വിശിഷ്ട ഭക്ഷണം, ഉപയോഗസാധനങ്ങൾ എന്നിവ ലഭിക്കാം. വേണ്ടപ്പെട്ടവരുമായി ഒത്തുകൂടാനും അവസരമുണ്ടാകും.
മിഥുനം: ജാഗ്രത പാലിക്കുക. കാര്യപരാജയം, ധനനഷ്ടം, യാത്രയിലെ തടസ്സം, ശരീരക്ഷീണം, മനഃപ്രയാസം എന്നിവ അനുഭവപ്പെടാം. ചില കാര്യങ്ങളിൽ അപ്രതീക്ഷിത തടസ്സങ്ങൾ ഉണ്ടാകാം.
കർക്കടകം: ഇന്ന് നേട്ടങ്ങളുടെ ദിവസമായേക്കാം. കാര്യവിജയം, അംഗീകാരം, ആരോഗ്യനിലയിലെ പുരോഗതി, ശത്രുക്ഷയം, ധനലാഭം എന്നിവയ്‌ക്ക് സാധ്യതയുണ്ട്. കിട്ടാനുള്ള പണം തിരികെ ലഭിക്കാനും ഇടയുണ്ട്.
ചിങ്ങം: ഇന്ന് അനുകൂല ഫലങ്ങൾ പ്രതീക്ഷിക്കാം. കാര്യവിജയം, മത്സരവിജയം, അംഗീകാരം, സ്ഥാനക്കയറ്റം എന്നിവ ലഭിക്കാം. അനുകൂല സ്ഥലമാറ്റത്തിനും തൊഴിൽരംഗത്ത് നേട്ടത്തിനും സാധ്യതയുണ്ട്. ജോലി തേടുന്നവർക്ക് അവസരങ്ങൾ ലഭിച്ചേക്കാം.
കന്നി: കാര്യങ്ങളിൽ തടസ്സം നേരിടാം. കലഹം, ഇച്ഛാഭംഗം, സ്വസ്ഥതക്കുറവ്, ഉദരവൈഷമ്യം, പ്രവർത്തനമാന്ദ്യം എന്നിവ ഉണ്ടാകാം. എങ്കിലും ചില കാര്യങ്ങൾ ഭാഗികമായി ശരിയാകാനുള്ള സാധ്യതയുണ്ട്.
തുലാം: ഇന്ന് ജാഗ്രത ആവശ്യമാണ്. കാര്യപരാജയം, മനഃപ്രയാസം, ധനനഷ്ടം, ഇച്ഛാഭംഗം, കലഹം എന്നിവയ്‌ക്ക് സാധ്യതയുണ്ട്. വേണ്ടപ്പെട്ടവരിൽ ചിലർ അകന്നുനിൽക്കാനും ഇടയുണ്ട്.
വൃശ്ചികം: അനുകൂല ഫലങ്ങൾ ലഭിക്കാം. കാര്യവിജയം, മത്സരവിജയം, അംഗീകാരം, ആരോഗ്യനേട്ടം, യാത്രാവിജയം എന്നിവയ്‌ക്ക് സാധ്യത. ഏറെ നാളായി ആഗ്രഹിക്കുന്ന ചില കാര്യങ്ങൾ നടക്കാനും ഇടയുണ്ട്.
ധനു: നേട്ടങ്ങളുടെ ദിനമാണ്. കാര്യവിജയം, മത്സരവിജയം, ആരോഗ്യം, ധനലാഭം എന്നിവ പ്രതീക്ഷിക്കാം. വായ്‌പയ്‌ക്കായുള്ള ശ്രമങ്ങളും വിജയിക്കാനിടയുണ്ട്.
മകരം: കാര്യതടസ്സങ്ങളും നഷ്ടങ്ങളും നേരിടാം. ഇച്ഛാഭംഗം, യാത്രാപരാജയം, അഭിമാനക്ഷതം തുടങ്ങിയവയ്‌ക്കും സാധ്യതയുണ്ട്. അപകടഭീതി നിലനിൽക്കുന്നതിനാൽ ഇരുചക്രവാഹന യാത്രയിൽ പ്രത്യേക ശ്രദ്ധ വേണം.
കുംഭം: ഇന്ന് പ്രതികൂല സാഹചര്യങ്ങൾ ഉണ്ടാകാം. കാര്യപരാജയം, യാത്രാതടസ്സം, മനഃപ്രയാസം, ഇച്ഛാഭംഗം, ശത്രുശല്യം എന്നിവയ്‌ക്ക് സാധ്യത. ശരീരക്ഷതം ഉൾപ്പെടെയുള്ള വേദനാജനകമായ അനുഭവങ്ങൾ ഉണ്ടാകുന്നതിനാൽ ജാഗ്രത പാലിക്കുക.
മീനം: ഇന്ന് അനുകൂല ഫലങ്ങൾ ലഭിക്കും. കാര്യവിജയം, അംഗീകാരം, ആരോഗ്യം, ഇഷ്ടഭക്ഷണസമൃദ്ധി, സ്ഥാനലാഭം, ധനലാഭം എന്നിവയ്‌ക്ക് സാധ്യതയുണ്ട്. കിട്ടാനുള്ള പണം തിരികെ ലഭിക്കാനും ഇടയുണ്ട്.
