മുൻകാല നാലുകെട്ട് ഗൃഹങ്ങളിൽ തുളസിത്തറ അഥവാ മുല്ലത്തറ നടുമുറ്റത്തിനകത്ത് മധ്യത്തിൽനിന്ന് കുറച്ച് വടക്കു കിഴക്ക് ഭാഗത്തേക്കു നീക്കി പണിചെയ്യാറുണ്ട്. ദർശനം അനുസരിച്ച് തുളസിത്തറ വീടിന്റെ മുൻഭാഗത്താണ് വരേണ്ടത്. വീടിന്റെ കിഴക്ക് വശത്തോ വടക്ക് വശത്തോ തുളസിത്തറ ആകാം. തെക്കുവശത്തോ പടിഞ്ഞാറുവശത്തോ തുളസിത്തറ വയ്ക്കാൻ പാടില്ല. വീടിന്റെ കൃത്യം നടുക്കാണ് കണക്കാക്കേണ്ടത്.
പ്രധാന വാതിലിനു നേരെയല്ല തുളസി വയ്ക്കേണ്ടത്. കിഴക്കോട്ട് ദർശനമായ വീടിന്റെ കൃത്യം നടക്കു നിന്ന് അല്പം വടക്കോട്ട് മാറിയാണ് തുളസിത്തറ വയ്ക്കേണ്ടത്. വടക്കോട്ട് ദർശനമായ വീടിന്റെ നടുക്ക് നിന്ന് അല്പം കിഴക്കോട്ട് മാറി വേണം തുളസിത്തറ വയ്ക്കാൻ. തുളസിത്തറയുടെ മൊത്തം ഉയരം വീടിന്റെ തറയെക്കാൾ കൂടാനും പാടില്ല.
തുളസിത്തറയിൽ വിളക്കു വച്ച് പ്രദക്ഷിണം വയ്ക്കാന് പാകത്തില് നാലുവശവും സ്ഥലസൗകര്യം ഒരുക്കേണ്ടതാണ്. കിഴക്കുവശത്തും പടിഞ്ഞാറുവശത്തും വിളക്ക് വയ്ക്കാനുള്ള സൗകര്യവും ഉണ്ടാകണം. കിഴക്കു നിന്നുള്ള വാതിലിനു നേരേ നന്നായി സൂര്യപ്രകാശം കിട്ടുന്നയിടത്ത് വേണം തുളസിത്തറ .തുളസിത്തറയില് നടാൻ കൃഷ്ണ തുളസിയാണ് ഉത്തമം
