കോട്ടയ: കോട്ടയം ജില്ലയില് വ്യാപകമായ മോഷണം. അകലക്കുന്നത്ത് വീട് കുത്തിത്തുറന്ന് പട്ടാപ്പകല് 23 പവന് സ്വര്ണാഭരണങ്ങള് കവര്ന്നു. പൂത്തിളപ്പ് സ്വദേശി എബ്രഹാമിന്റെ വീട്ടിലാണ് മോഷണം നടന്നത്. എബ്രഹാമും കുടുംബവും ഈ സമയം വീട്ടിലില്ലായിരുന്നു. തിരികെ എത്തിയപ്പോഴാണ് മുന്വാതില് കുത്തിത്തുറന്ന നിലയില് കണ്ടെത്തിയത്. അലമാരയിലെ 23 പവന് നഷ്ടപ്പെട്ടതായും മനസിലായി. പള്ളിക്കത്തോട് പോലീസും വിരലടയാള വിദഗ്ധരും സ്ഥലത്തെത്തി തെളിവുകള് ശേഖരിച്ചു. പ്രദേശത്തെ സിസിടിവി ദൃശ്യങ്ങള് പരിശോധിക്കുന്നുണ്ട്.
പാലായില് മൂന്നു കടകളില് ഇന്നലെ രാത്രി മോഷണം നടന്നു. കട്ടക്കയം റോഡിലെ മല്സ്യവ്യാപാര സ്ഥാപനത്തിലും റിവര്വ്യൂ റോഡിലെ രണ്ട് തുണിക്കടകളിലുമായിരുന്നു മോഷണം. ഇന്ന് രാവിലെ പൂട്ടുകള് തകര്ത്ത നിലയില് കണ്ട് ജീവനക്കാര് പൊലീസില് അറിയിക്കുകയായിരുന്നു. എത്ര പണം നഷ്ടമായെന്നതു സംബന്ധിച്ച് കണക്കെടുപ്പു നടക്കുന്നതേയുള്ളൂ.
അകലക്കുന്നത്ത് വീട് കുത്തിത്തുറന്ന് 23 പവന് കവര്ന്നു, പാലായില് മൂന്നുകടകളില് മോഷണം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.