കാഠ്മണ്ഡു: നേപ്പാളിലെ വെള്ളപ്പൊക്കത്തിൽ ഒഴുകിപ്പോയ ഒരു ബാങ്ക് ലോക്കർ കൊള്ളയടിച്ച സംഭവുമായി ബന്ധപ്പെട്ട് 29 പേർ അറസ്റ്റിൽ. വെള്ളപ്പൊക്കത്തിന്റെ ഫലമായി ത്രിശൂലി നദിക്കരയിൽ ഒരു ലോക്കർ അടിയുകയും ഇത് അതിനുള്ളിലെ പണത്തിനായിട്ടുള്ള ഒരു പോരാട്ടത്തിന് തുടക്കമിടുകയും ചെയ്തു. തുടർന്ന് പോലീസ് 29 പേരെ അറസ്റ്റ് ചെയ്യുകയും അവരിൽ നിന്ന് 92 ലക്ഷത്തിലധികം നേപ്പാളി രൂപ കണ്ടെടുക്കുകയും ചെയ്തു, ഇത് ഏകദേശം 58 ലക്ഷം ഇന്ത്യൻ രൂപയ്ക്ക് തുല്യമാണ്.
റസുവയിൽ നിന്നുള്ള ഒരു ബാങ്ക് ലോക്കർ വെള്ളപ്പൊക്കത്തിൽ ഒഴുകിപ്പോയതിനെ തുടർന്നാണ് സംഭവം. ധാഡിംഗ് ജില്ലയിലെ ഗാൽച്ചി റൂറൽ മുനിസിപ്പാലിറ്റി -4 ലെ ബെൽഖുഖോളയ്ക്ക് സമീപമുള്ള ത്രിശൂലി നദിയുടെ തീരത്താണ് ലോക്കർ ഒടുവിൽ എത്തിയത്. ലോക്കർ കണ്ടെത്തിയതോടെ ആളുകൾ അതിൽ നിന്ന് പണം എടുക്കാൻ തുടങ്ങി, ഇത് പണത്തിനായുള്ള നെട്ടോട്ടത്തിലേക്ക് നയിച്ചു.
സംഭവവുമായി ബന്ധപ്പെട്ട് 29 പേരെ പോലീസ് അറസ്റ്റ് ചെയ്തു. അറസ്റ്റിലായവരിൽ നിന്ന് ആകെ 92,68,505 നേപ്പാളി രൂപ അതായത്ഏകദേശം 58 ലക്ഷം ഇന്ത്യൻ രൂപയാണ് കണ്ടെടുത്തത്. കണ്ടെടുത്ത പണത്തിന്റെ ഉറവിടം എവിടെയാണെന്നും മറ്റാരെങ്കിലും ഇതിൽ ഉൾപ്പെട്ടിട്ടുണ്ടോ എന്നും പോലീസ് അന്വേഷണം തുടരുകയാണ്.
അതേ സമയം വെള്ളപ്പൊക്കത്തെത്തുടർന്ന് നേപ്പാൾ ഇപ്പോഴും അപകടാവസ്ഥയിലാണ്. നേപ്പാളിലെ വിനാശകരമായ വെള്ളപ്പൊക്കത്തെത്തുടർന്ന് അപകടം പൂർണ്ണമായും ഒഴിഞ്ഞുപോയിട്ടില്ല. ലെൻഡെ നദീതടത്തിന്റെ മുകൾ ഭാഗങ്ങളിൽ രൂപം കൊള്ളുന്ന ഒരു തടാകം എപ്പോൾ വേണമെങ്കിലും തീരങ്ങൾ തകർക്കാൻ സാധ്യതയുണ്ടെന്ന് ചൈന നേപ്പാളിന് മുന്നറിയിപ്പ് നൽകി. നേപ്പാളിൽ വെള്ളപ്പൊക്കത്തിന്റെ വ്യാപകമായ ആഘാതം നേരിടുകയും കാണാതായവർക്കായുള്ള തിരച്ചിൽ തുടരുകയും ചെയ്യുന്നതിനിടയിലാണ് മുന്നറിയിപ്പ് വരുന്നത്.
രക്ഷാപ്രവർത്തനങ്ങൾ തുടരുന്നു
നേപ്പാളിലുടനീളം വലിയ തോതിലുള്ള രക്ഷാപ്രവർത്തനങ്ങൾ ഇപ്പോഴും പുരോഗമിക്കുകയാണ്. റസുവ ജില്ലയിലെ അപ്പർ ത്രിശൂലി-1 ജലവൈദ്യുത പദ്ധതിയുടെ തുരങ്കത്തിനുള്ളിൽ കുടുങ്ങിയ ആളുകളെ സൈന്യം രക്ഷപ്പെടുത്തി. അതേ സമയം തന്നെ ഇതുവരെ 600-ലധികം പേർ മരിച്ചു. ഏകദേശം 2,500 പേരെ ഇപ്പോഴും കാണാതായിട്ടുണ്ട്. കാണാതായവരിൽ 320 ഇന്ത്യക്കാർ ഉൾപ്പെടെ 537 വിദേശ പൗരന്മാരുണ്ട്. കൂടുതൽ അപകട സാധ്യതകളെക്കുറിച്ച് അധികൃതർ ജാഗ്രത പാലിക്കുന്നതിനാൽ വെള്ളപ്പൊക്ക ബാധിത പ്രദേശങ്ങളിൽ രക്ഷാപ്രവർത്തനങ്ങളും വീണ്ടെടുക്കൽ പ്രവർത്തനങ്ങളും തുടരുന്നു.
