കൊച്ചി: മതമാണ് മതമാണ് പ്രശ്നം എന്ന് പറഞ്ഞവരെക്കുറിച്ച് ചര്ച്ചയില്ല. ഞാന് ആണ് പറഞ്ഞതെങ്കില് എന്റെ തല എടുത്തേനെയെന്ന് വെള്ളാപ്പള്ളി നടേശന്.
ജാതി പറഞ്ഞ് സംഘടിച്ചവരും മതം പറഞ്ഞു സംഘടിച്ചവരും ഇവിടെയുണ്ട്. മതം പറഞ്ഞു സംഘടിച്ചവര് എവിടെ എത്തി എന്ന് ആലോചിക്കണം. എസ്.എന്.ഡി.പി യോഗം പറവൂര് യൂണിയന്റെ ശ്രീനാരായണ ജയന്തി ആഘോഷത്തില് സംസാരിക്കുകയായിരുന്നു വെള്ളാപ്പള്ളി.
ഞാന് ഒരു സമുദായത്തിനും എതിരല്ല. എന്റെ സമുദായത്തിന്റെ ദുഖമാണ് പറഞ്ഞത്. ലീഗിനെ ആണ് പറഞ്ഞത്, മുസ്ലിമിനെ അല്ല.
പി.എസ്.സി യില് മുസ്ലിം പ്രാതിനിധ്യം ശരിയാക്കിയപ്പോള് ഈഴവരെ തിരിഞ്ഞുനോക്കിയില്ല. എന്നും നീതി നിഷേധിക്കപ്പെട്ട അയിത്തം കല്പ്പിച്ചു മാറ്റിനിര്ത്തുന്ന രീതിയാണ് ഇപ്പോഴുമുള്ളത്. ജാതി സംവരണം ഉള്ള നാട്ടില് ജാതി പറയുന്നത് അഭിമാനമാണെന്നും അപമാനമല്ലെന്നും അദ്ദേഹം പറഞ്ഞു.
മലപ്പുറത്ത് നിന്ന് ഒരു ആവശ്യം വന്നാല് ചട്ടം ഉണ്ടാകുന്നു, നിയമം ഉണ്ടാകുന്നു. മലപ്പുറത്ത് മാത്രമല്ല കാസര്ഗോഡും ഈഴവ സമുദായത്തിന് ഒന്നും കിട്ടുന്നില്ല. ഈ ദുഃഖം മലപ്പുറത്ത് ഇരുന്ന് പറഞ്ഞാല് കുലദ്രോഹി ആയി ചിത്രീകരിക്കുന്ന കാലമാണ്. വെള്ളാപ്പള്ളി നടേശന് പറഞ്ഞു.
