ന്യൂദല്‍ഹി: സെപ്തംബര്‍ അഞ്ചിന് സിജെപി വീണ്ടും ജന്തര്‍മന്തറില്‍ സമരം നടത്തുമെന്ന് പ്രഖ്യാപിച്ചതോടെ സമരത്തിനായി ഇവര്‍ തെരഞ്ഞെടുത്ത തീയതിക്ക് പിന്നില്‍ ഗൂഢാലോചനയെന്ന് ആരോപണമുയരുന്നു. ഇക്കാര്യത്തില്‍ ലൈവ് ടിവി എന്ന യൂട്യൂബ് ചാനല്‍ സിജെപി നേതാവ് അഭിജിത് ദീപ്കെയുടെ കള്ളി പൊളിക്കുകയും ചെയ്തു. സെപ്തംബര്‍ 12, 13 തീയതികളിലാണ് ദല്‍ഹിയില്‍ ബ്രിക്സ് ഉച്ചകോടി നടക്കുന്നത്.
റിപ്പോർട്ടർ – ജന്തർ മന്തർ 2.0 സരമത്തിന്റെ തീയതി എന്തുകൊണ്ട് സെപ്റ്റംബർ 5 ആക്കി? എന്തുകൊണ്ട് ഈ സമരം ജാർഖണ്ഡില്‍ സമരത്തിന് പോയില്ല?
അഭിജീത് ദീപ്കെ- സർക്കാർ ഞങ്ങളുടെ ആവശ്യങ്ങൾ നിറവേറ്റിയില്ല, അതിനാൽ ഞങ്ങൾ വീണ്ടും ജന്തര്‍മന്തറില്‍ സമരത്തിന് ഇറങ്ങുകയാണ്. ജാർഖണ്ഡിലെ സമരകാലത്ത് എനിക്ക് ടൈഫോയ്ഡ് ബാധിച്ചിരുന്നു. അതുകൊണ്ട് സമരത്തില്‍ പങ്കെടുക്കുക സാധ്യമല്ലായിരുന്നു.
റിപ്പോർട്ടർ – അന്താരാഷ്‌ട്ര മാധ്യമങ്ങൾക്ക് മുന്നിൽ ബിജെപിയെ അപകീർത്തിപ്പെടുത്താനല്ലേ സെപ്തംബര്‍ അഞ്ച് സമരത്തിനായി തെരഞ്ഞെടുത്തത്. ബ്രിക്സ് ഉച്ചകോടി ദല്‍ഹിയില്‍ നടക്കുന്നതിന് തൊട്ടുമുമ്പ് നിങ്ങൾ സമരം ചെയ്യുകയാണെന്ന് ആളുകൾ പറയുന്നു. രാജ്യത്തെ അപകീർത്തിപ്പെടുത്തുന്നതിലൂടെ നിങ്ങള്‍ നിങ്ങളുടെ ലക്ഷ്യം നേടുന്നത് ശരിയാണോ?
അഭിജീത് – ബ്രിക്സ് ഉച്ചകോടിയെക്കുറിച്ച് ഞങ്ങൾക്ക് അറിയില്ല. ഞങ്ങൾ പല തീയതികളും നോക്കി. അങ്ങിനെയാണ് സെപ്തംബര്‍ അഞ്ചില്‍ എത്തിയത്.
റിപ്പോർട്ടർ- ഇത് നിങ്ങള്‍ നിഷ്കളങ്കമായി തെരഞ്ഞെടുത്ത തീയതിയാണെന്ന് വിശ്വസിക്കാന്‍ പ്രയാസമാണ്. പണ്ട് . ട്രംപിന്റെ സന്ദർശനത്തിന് തൊട്ടുമുമ്പാണ് ഉമർ ഖാലിദ് പ്രതിഷേധങ്ങൾ നടത്തിയതും ആളുകളോട് തെരുവിലിറങ്ങാൻ പറയുന്നതും. ഇത് ഞങ്ങൾ കണ്ടിട്ടുണ്ട്. ഇപ്പോൾ നിങ്ങൾക്ക് ബ്രിക്സ് ഉച്ചകോടിയെക്കുറിച്ച് അറിയാം. അതിനാലാണ് സെപ്തംബര്‍ അഞ്ച് തന്നെ സമരത്തിനായി തെരഞ്ഞെടുത്തത്.
അഭിജീത് ദിപ്കെ ഇതോടെ സമരത്തിന്റെ തീയതി മാറ്റാൻ കഴിയില്ലെന്ന് ചൂണ്ടിക്കാട്ടി ധാരാളം ഒഴികഴിവുകൾ പറയാൻ തുടങ്ങി.
