ന്യൂദല്ഹി:മലയാള മനോരമയുടെ ഇംഗ്ലീഷ് മാസികയായ ദ വീക്ക് എന്ന ഇംഗ്ലീഷ് വാരിക സിജെപിയുടെ വക്താവായ രത്ന സിങ്ങിനെ പ്രശംസിച്ച് ലേഖനം പ്രസിദ്ധീകരിച്ചു. ചെയ്ഞ്ച് മേക്കേഴ്സ് എന്ന പേരില് ഇന്ത്യയില് മാറ്റം കൊണ്ടുവരുന്നവരെക്കുറിച്ചുള്ള ലേഖനത്തിലാണ് രത്ന സിങ്ങിനെ ഉള്പ്പെടുത്തിയിരിക്കുന്നത്.
സിജെപിയുടെ പ്രതിഷേധ തന്ത്രങ്ങളുടെ മുഖമായി എങ്ങിനെയാണ് രത്ന സിങ്ങ് മാറിയതെന്നാണ് ഈ ലേഖനത്തില് പറയുന്നത്. അഭിഭാഷകയായ രത്ന സിങ്ങ് എങ്ങിനെയാണ് കോടതിമുറിയിലെ തന്ത്രമുപയോഗിച്ച് ജനങ്ങളെ സമരത്തിന് ഇളക്കിവിട്ടത് എന്നാണ് മനോരമയുടെ വാഴ്ത്തല്. പക്ഷെ വാസ്തവത്തില് ജന്തര് മന്തറിലെ സമരത്തില് പങ്കെടുത്തവര് ഏതൊക്കെ മേഖലയില് നിന്നും വന്നവരാണെന്നും ഇവരുടെ ലക്ഷ്യങ്ങള് എന്തായിരുന്നു എന്നുമുള്ള ഞെട്ടിപ്പിക്കുന്ന വിവരങ്ങള് പുറത്തുവന്നുകൊണ്ടിരിക്കുകയാണ്.
ക്രിസ്ത്യന് യുവാക്കളോട് ഈ സമരത്തില് പങ്കുകൊള്ളാന് പല പാതിരിമാര് തന്നെ നേരിട്ട് ആഹ്വാനം ചെയ്തിരുന്നു. മുന് ലൊയോള കോളെജ് പ്രിന്സിപ്പലായിരുന്ന ഫാ. എം.കെ. ജോര്ജ്ജ് എന്ന ജോര്ജ്ജ് മുത്തോലില് ക്രിസ്ത്യന് യുവാക്കളോട് ജന്തര്മന്തറില് നടക്കുന്ന സിജെപി സമരത്തില് പങ്കെടുക്കാന് ആഹ്വാനം ചെയ്തിരുന്നു. സൊസൈറ്റി ഓഫ് ജീസസിന്റെ സൗത്ത് ഏഷ്യ റിജ്യണല് അസിസ്റ്റന്റായ ഫാ. ജോര്ജ്ജ് മുത്തോലില് ജന്തര് മന്തറിലെ സമരത്തില് പങ്കെടുക്കാന് ക്രിസ്ത്യന് യുവാക്കളോട് ആഹ്വാനം ചെയ്തുകൊണ്ട് ഒരു ക്രിസ്തീയ മാസികയില് ലേഖനവും എഴുതിയിരുന്നു. വെല്ലൂര് രൂപതയിലെ ബിഷപ്പമായി അംബ്രോസ് പിച്ചായി മുത്തു എന്ന മറ്റൊരു ബിഷപ്പും ക്രിസ്ത്യന് യുവാക്കളോട് ജന്തര് മന്തറിലെ സമരത്തില് പങ്കെടുക്കാന് ആഹ്വാനം ചെയ്തിരുന്നു. ഫാദര് പ്രകാശ് നേരിട്ട് ജന്തര്മന്തറില് സന്നിഹിതനായിരുന്നു. കാരണം വിദേശ ഫണ്ടില് നിയന്ത്രണം കൊണ്ടുവരാന് ബിജെപി ശ്രമിക്കുന്നതായിരുന്നു ഈ പ്രകോപനത്തിന് പിന്നില്.
ദുബായില് കമ്പനി നടത്തുന്ന യുവാവ് നിലമ്പൂര് സ്വദേശിയായ മുഹമ്മദ് ഷാജി മഠത്തില് എന്ന യുവാവ് തന്റെ 23 ജീവനക്കാരെ ടിക്കറ്റും ചെലവിനുള്ള പണവും നല്കിയാണ് ദല്ഹിയിലെ ജന്തര് മന്തറിലേക്ക് അയച്ചത്. ഇവരുടെ പ്രചോദനം സംഘപരിവാറിനെ എതിര്ക്കുക, മോദിയെ താഴെയിറക്കുക എന്നതായിരുന്നു. ഇതിന്റെ തെളിവുകളും പുറത്തുവന്നു. അവിടെ സമരക്കാര്ക്ക് സൗജന്യ ഭക്ഷണം നല്കിയ ചില മുസ്ലിം യുവാക്കള്ക്ക് ഈ പണം വിദേശത്ത് നിന്നും സംഭാവനയായി വന്നതാണെന്നും പൊലീസ് കണ്ടെത്തിയിട്ടുണ്ട്.
മറ്റൊന്ന് കോണ്ഗ്രസ് ഉള്പ്പെടെയുള്ള പ്രതിപക്ഷ പാര്ട്ടികളാണ്. ഇവരുടെ പ്രവര്ത്തകരും സമരത്തിനെത്തി. ഇങ്ങിനെ മോദി സര്ക്കാരിനെതിരായ പല വികാരങ്ങളാണ് ജന്തര് മന്തറിലെ സിജെപി സമരത്തിലേക്ക് പ്രക്ഷോഭകരെ ഒഴുക്കിവിട്ടത്.
