കൊച്ചി:കാലടി സര്വകലാശാലയില് വൈസ് ചാന്സലര് ഡോ സിസ തോമസിനെ കയ്യേറ്റം ചെയ്ത കേസില് റിമാന്ഡിലായിരുന്ന എസ്എഫ്ഐ പ്രവര്ത്തകര്ക്ക് ജാമ്യം ലഭിച്ചു. എസ്എഫ്ഐ സംസ്ഥാന കമ്മിറ്റിയംഗം മെബിന് ജോസ്, ബേസില്, യദു, വിജേഷ് എന്നിവര്ക്കാണ് ജാമ്യം കിട്ടിയത്.
ആഗസ്റ്റ് 16ന് ആണ് എസ്എഫ്ഐ പ്രവര്ത്തകരെ പൊലീസ് പിടികൂടിയത്. സെഷന്സ് കോടതിയാണ് ജാമ്യം അനുവദിച്ചത്. സര്വകലാശാലയിലെ ഒരു സംഘം വിദ്യാര്ഥികള് ദേഹോപദ്രവം ഏല്പ്പിച്ചുവെന്ന് കാട്ടി വൈസ് ചാന്സലര് സിസ തോമസ് പരാതി നല്കിയിരുന്നു.
ഔദ്യോഗിക കൃത്യ നിര്വഹണം തടസപ്പെടുത്തിയെന്നും ഔദ്യോഗിക വാഹനത്തിന് കേടുപാട് വരുത്തിയെന്നും തന്നോടൊപ്പം ഉണ്ടായിരുന്ന സിന്ഡിക്കേറ്റ് അംഗങ്ങളും പേഴ്സണല് സ്റ്റാഫും ആക്രമിക്കപ്പെട്ടുവെന്നും പരാതിയില് വി സി ചൂണ്ടിക്കാട്ടിയിരുന്നു.ഗവര്ണറെ കണ്ട ശേഷമാണ് വി സി പൊലീസില് പരാതി നല്കിയത്.
