കൊച്ചി: വര്‍ഗീയ അധിക്ഷേപം നടത്തിയെന്ന നടന്‍ ടിനി ടോമിനെതിരായ കേസില്‍ നടി അന്‍സിബ ഹസ്സന്‍ എറണാകുളം ജുഡീഷ്യല്‍ മജിസ്‌ട്രേറ്റ് കോടതിയില്‍ ഹാജരായി രഹസ്യ മൊഴി നല്‍കി. കോടതിയുടെ നിര്‍ദ്ദേശപ്രകാരമാണിത്. കടവന്ത്ര പൊലീസ് രജിസ്റ്റര്‍ ചെയ്ത കേസില്‍ ടിനി ടോം മുന്‍കൂര്‍ ജാമ്യത്തിലാണ്. ഇനിയെങ്കിലും പൊലീസ് ശരിയായി അന്വേഷിക്കുമെന്നാണ് പ്രതീക്ഷയെന്നും കേസില്‍ നിന്ന് പിന്മാറില്ലെന്നും അന്‍സിബ വ്യക്തമാക്കി.
ടിനി തന്നെ ജിഹാദിയെന്ന് വിളിച്ചുവെന്നും മറ്റും മറ്റൊരാള്‍ പറഞ്ഞു കേട്ടുവെന്നാണ് അന്‍സിബ പരാതിപ്പെട്ടത്. കേട്ടു കേള്‍വിയുടെ അടിസ്ഥാനത്തില്‍ കേസെടുക്കാനാവില്ലെന്ന് പൊലീസ് നിലപാടെടുത്തതോടെ അന്‍സിബ കോടതിയെ സമീപിക്കുകയായിരുന്നു. തുടര്‍ന്നാണ് രഹസ്യമൊഴി രേഖപ്പെടുത്താന്‍ കോടതി തയ്യാറായത്.
ടിനി ടോമിനെതിരായ കേസില്‍ അന്‍സിബ ഹസ്സന്‍ കോടതിയില്‍ രഹസ്യ മൊഴി നല്‍കി, പിന്‍മാറില്ലെന്ന് പ്രഖ്യാപനം
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.