ബെംഗളൂരു: ഓണം പ്രമാണിച്ച് നാട്ടിലേക്ക് എത്തിച്ചേരാന് ആഗ്രഹിക്കുന്ന ആശ്വാസമായി വീണ്ടും റെയില്വേ. ബെംഗളൂരുവില് നിന്ന് കേരളത്തിലേക്ക് പ്രത്യേക ട്രെയിന് സര്വീസ് പ്രഖ്യാപിച്ചു.
തിരക്ക് മുൻകൂട്ടി കണ്ട് റെയിൽവേ അനുവദിച്ച ഈ സ്പെഷ്യൽ ട്രെയിൻ സർവീസ് ബെംഗളൂരു കന്റോൺമെന്റിൽ നിന്ന് കണ്ണൂരിലേക്കും തിരിച്ചും ആണ് സർവീസ് നടത്തുന്നത്. യാത്രാപ്രശ്നങ്ങൾക്ക് പരിഹാരമാകുന്ന ഈ പ്രത്യേക സർവീസിന്റെ സമയക്രമങ്ങളും സ്റ്റോപ്പുകളും സംബന്ധിച്ചുള്ള മുഴുവൻ വിവരങ്ങളും പുറത്തുവന്നിട്ടുണ്ട്.
ഓഗസ്റ്റ് 20-ന് രാത്രി 10.30-ന് ബെംഗളൂരു കന്റോൺമെന്റിൽ നിന്ന് പുറപ്പെടുന്ന ട്രെയിൻ, അടുത്ത ദിവസം ഉച്ചയ്ക്ക് 12.50-ഓടെ കണ്ണൂരിലെത്തിച്ചേരും. തിരിച്ച് കണ്ണൂർ-ബെംഗളൂരു കന്റോൺമെന്റ് സ്പെഷ്യൽ ട്രെയിൻ ഓഗസ്റ്റ് 21-ന് വൈകുന്നേരം 4.10-ന് കണ്ണൂരിൽ നിന്ന് പുറപ്പെട്ട്, 22-ാം തീയതി രാവിലെ 6 മണിക്ക് ബെംഗളൂരുവിൽ എത്തിച്ചേരുന്ന രീതിയിലാണ് സമയം ക്രമീകരിച്ചിരിക്കുന്നത്. ആകെ 23 കോച്ചുകളോടെയാണ് ഈ പ്രത്യേക ട്രെയിൻ സർവീസ് നടത്തുത്.
പാലക്കാട് വഴിയാണ് ഈ ട്രെയിൻ സർവീസ് കടന്നുപോകുന്നത്. യാത്രക്കാർക്കായി നിരവധി പ്രധാന സ്റ്റേഷനുകളിൽ സ്റ്റോപ്പുകൾ അനുവദിച്ചിട്ടുണ്ട്. ബെംഗളൂരു, കൃഷ്ണരാജപുരം, ബംഗരപേട്ട്, കുപ്പം, സേലം, ഈറോഡ്, തിരുപ്പൂർ, പോഡാനൂർ, പാലക്കാട്, ഷൊർണൂർ, തിരൂർ, പരപ്പനങ്ങാടി, കോഴിക്കോട്, വടകര, തലശ്ശേരി, കണ്ണൂർ എന്നിങ്ങനെയാണ് ട്രെയിനിന്റെ പ്രധാന സ്റ്റേഷനുകൾ.
