ആലപ്പുഴ: കുട്ടനാട് താലൂക്കിലെ വിദ്യാഭ്യാസ സ്ഥാപനങ്ങള്ക്ക് ചൊവ്വാഴ്ച അവധി. ജില്ലയില് കഴിഞ്ഞ ദിവസങ്ങളില് പെയ്ത അതിശക്തമായ മഴയില് കുട്ടനാട് താലൂക്കിലെ വിവിധ ഭാഗങ്ങളില് രൂപപ്പെട്ട വെള്ളക്കെട്ട് തുടരുന്നതിനാലും വിദ്യാര്ത്ഥികളുടെ സുരക്ഷ മുന്നിര്ത്തിയുമാണ് അവധി പ്രഖ്യാപിച്ചത്.
പ്രൊഫഷണല് കോളേജുകള് ഉള്പ്പടെ വിദ്യാഭ്യാസ സ്ഥാപനങ്ങള്, അങ്കണവാടികള്, ട്യൂഷന് സെന്ററുകള് എന്നിവയ്ക്ക് അവധി ബാധകമാണ്.ആലപ്പുഴ ജില്ലയില് ദുരിതാശ്വാസ ക്യാമ്പുകള് പ്രവര്ത്തിക്കുന്ന വിദ്യാഭ്യാസ സ്ഥാപനങ്ങള്ക്കും അവധി നല്കി. നേരത്തെ നിശ്ചയിച്ച പരീക്ഷകള്ക്ക് മാറ്റമുണ്ടാകില്ല. കോട്ടയം ജില്ലയില് ദുരിതാശ്വാസ ക്യാമ്പുകള് പ്രവര്ത്തിക്കുന്ന സ്കൂളുകള്ക്കും ചൊവ്വാഴ്ച അവധിയായിരിക്കും.
പത്തനംതിട്ടയില് ദുരിതാശ്വാസ ക്യാമ്പുകള് പ്രവര്ത്തിക്കുന്ന സ്കൂളുകള്ക്കും ചൊവ്വാഴ്ച അവധി പ്രഖ്യാപിച്ചിട്ടുണ്ട്.
