തിരുവനന്തപുരം:മുഖ്യമന്ത്രി വി ഡി സതീശന്‍ മത്സ്യത്തൊഴിലാളികളെ ആക്ഷേപിച്ച് നടത്തിയ പ്രതികരണം അത്യന്തം ഹീനമെന്ന് വി മുരളീധരന്‍ എംഎല്‍എ. മുഖ്യമന്ത്രി നടത്തിയ പരാമര്‍ശം പിന്‍വലിച്ച് മാപ്പ് പറയണം.
ഓരോ ജീവനും വിലപ്പെട്ടതാണ്.മലയാളികളെ ലജ്ജിപ്പിക്കുന്ന പരാമര്‍ശാണ് മുഖ്യമന്ത്രി നടത്തിയതെന്നും വി മുരളീധരന്‍ പറഞ്ഞു.
കഴിഞ്ഞ സര്‍ക്കാരിന്റെ കാലത്ത് 140 പേരെ കാണാതായെന്ന് പറയുന്ന മുഖ്യമന്ത്രി കഴിഞ്ഞ സര്‍ക്കാരിന്റെ എണ്ണം തികയുന്നതുവരെ നോക്കി നില്‍ക്കുമോ എന്നും വി മുരളീധരന്‍ ചോദിച്ചു.നേരത്തെയും വി ഡി സതീശന്‍ മത്സ്യത്തൊഴിലാളികളെ ആക്ഷേപിച്ചിട്ടുണ്ടെന്നും മുരളീധരന്‍ ചൂണ്ടിക്കാട്ടി.
ഷിജിനെ കാണാതായ ആദ്യ മണിക്കൂറില്‍ തിരച്ചില്‍ നടത്തിയില്ല.ഷിജിന്റെ കുടുംബവും ഇതില്‍ പരാതിപ്പെട്ടിരുന്നു.മുഖ്യമന്ത്രിയോ ഫിഷറീസ് മന്ത്രിയോ കാണാതായവരുടെ വീടുകളില്‍ എത്തിയില്ല.വന്ദേമാതരം ആലപിക്കുന്നത് സംബന്ധിച്ച് സര്‍ക്കാരിന് നയപരമായ വ്യക്തതയില്ലെന്ന് വി മുരളീധരന്‍ പറഞ്ഞു.ഒരുഭാഗത്ത് സര്‍ക്കാരിന് വന്ദേമാതരം വേണമെന്നും സമ്മര്‍ദ്ദത്തിന് വഴങ്ങി മറുഭാഗം വേണ്ടെന്ന് വയ്‌ക്കുകയാണന്നും മുരളീധരന്‍ പറഞ്ഞു. ഭരണം നടത്താന്‍ അറിയാത്ത ആളുകളാണ് ഭരിക്കുന്നത്.
