തിരുവനന്തപുരം: അര്ജുന് ആയങ്കിയെ അറസ്റ്റ് ചെയ്യുന്നതിനുളള വിവരം നല്കിയ ഓട്ടോ ഡ്രൈവര്ക്ക് പാരിതോഷികം നല്കുമെന്ന് ആഭ്യന്തര മന്ത്രി രമേശ് ചെന്നിത്തല. ഒരു ലക്ഷം രൂപ നല്കും. പാരിതോഷികം നല്കാനുളള തുക ഒരു വ്യക്തിയാണ് നല്കുന്നതെന്നും താന് അത് കൈമാറുമെന്നും രമേശ് ചെന്നിത്തല പറഞ്ഞു.
കേരളം ഗുണ്ടകളുടെ പറുദീസയല്ലെന്നും മനപ്പൂര്വം പ്രശ്നമുണ്ടാക്കുന്നവര് ആരായാലും കര്ശന നടപടി ഉണ്ടാകുമെന്നും രമേശ് ചെന്നിത്തല പറഞ്ഞു. മുന് മുഖ്യമന്ത്രി തന്നെ അര്ജുന് ആയങ്കിയെ തള്ളിപ്പറഞ്ഞു.എം വി ജയരാജന് തള്ളിപ്പറഞ്ഞു. ഇങ്ങനെയുള്ള ആളുകളെ ആര്ക്കും സംരക്ഷിക്കാന് ആകില്ല.
കേരളത്തില് ജനങ്ങളെ വെല്ലുവിളിക്കുന്ന ഒരു ഗുണ്ടക്കും സ്ഥാനമുണ്ടാകില്ല. ഇത് ഗുണ്ടകളുടെ നാട് അല്ല. സമാധാനം ആഗ്രഹിക്കുന്ന ജനങ്ങളുടെ നാടാണ്. എല്ലാ സംവിധാനത്തെയും വെല്ലുവിളിക്കുന്ന ഗുണ്ടയ്ക്ക് ഇതാകും അനുഭവം. ജനങ്ങളെ വെല്ലുവിളിക്കുന്ന എല്ലാ ഗുണ്ടകളെയും നിലയ്ക്ക് നിര്ത്താന് പ്രതിജ്ഞബദ്ധമാണ് സര്ക്കാര്.
ഓണക്കാലം കൂടി കണക്കിലെടുത്ത് നടപടികള് ഊര്ജിതമാക്കും. എല്ലാം പൊലീസ് സ്റ്റേഷനുകളിലെയും പട്ടിക പ്രകാരം ഗുണ്ടകള്ക്കെതിരെ കര്ശന നിരീക്ഷണം ഉണ്ടാകും.ഗുണ്ടകളെ പോറ്റി വളര്ത്തുന്ന ആളുകള്ക്കെതിരെയും നടപടിയുണ്ടാകുമെന്ന് ചെന്നിത്തല പറഞ്ഞു.
