തിരുവനന്തപുരം: അടുത്ത മൂന്ന് മണിക്കൂറില്‍ രണ്ട് ജില്ലകളില്‍ ശക്തമായ മഴ ഉണ്ടാകുമെന്ന് കേന്ദ്ര കാലാവസ്ഥ വകുപ്പ് .തിരുവനന്തപുരം , ഇടുക്കി ജില്ലകളില്‍ ഓറഞ്ച് ജാഗ്രത പ്രഖ്യാപിച്ചു. ഒറ്റപ്പെട്ടയിടങ്ങളില്‍ ഇടത്തരം മഴയ്‌ക്കും മണിക്കൂറില്‍ 40 -50 കിലോമീറ്റര്‍ വരെ വേഗതയില്‍ കാറ്റിനും സാധ്യത.മറ്റ് എല്ലാ ജില്ലകളിലും ഒറ്റപ്പെട്ടയിടങ്ങളില്‍ ഇടത്തരം മഴയ്‌ക്കും മണിക്കൂറില്‍ 30 40 കിലോമീറ്റര്‍ വരെ വേഗതയില്‍ കാറ്റിനും സാധ്യതയുണ്ട്.
ഇടുക്കിയിലെ മലയോര മേഖലയില്‍ കനത്ത മഴയാണ്. കല്ലാര്‍കുട്ടിയില്‍ മണ്ണിടിഞ്ഞ് റോഡിലേക്ക് വീണ് ഗതാഗതം തടസപ്പെട്ടു. അടിമാലി ടൗണില്‍ വെള്ളക്കെട്ട് രൂപപ്പെട്ടു. ദേശീയ പാതയില്‍ ലക്ഷം വീട് നഗറിന് സമീപം മണ്ണിടിച്ചില്‍ ഉണ്ടായി. അടിമാലി ലൈബ്രറി റോഡിലെ പല ഭാഗങ്ങളിലും വെള്ളക്കെട്ടുണ്ട്. മൂന്നാറിലും മഴ കനത്തു.
സംസ്ഥാനത്ത് ഞായറാഴ്ചയും ഒറ്റപ്പെട്ട ശക്തമായ മഴയ്‌ക്കും 60 കിലോമീറ്റര്‍ വരെ വേഗതയില്‍ കാറ്റിനും സാധ്യതയുണ്ട്.
