മസൂറി(യുഎസ്): യുഎസില് നടന്ന സെന്റ് ലൂയിസ് റാപിഡ് ആന്റ് ബ്ലിറ്റ്സ് കിരീടം ചൂടി ഇന്ത്യയുടെ പ്രജ്ഞാനന്ദ. ലോക രണ്ടാം നമ്പര് താരം ഫാബിയാനോ കരുവാന, ലോകചെസ് കിരീടത്തിന് ഗുകേഷുമായി മാറ്റുരയ്ക്കുന്ന ഉസ്ബെക് താരം ജവോഖിര് സിന്ഡൊറോവ്, അമേരിക്കയുടെ വെസ്ലി സോ തുടങ്ങി ഒട്ടേറെ ഒന്നാം നമ്പര് താരങ്ങള് അണി നിരന്ന ടൂര്ണ്ണമെന്റിലാണ് റാപിഡ് വിഭാഗത്തിലും ബ്ലിറ്റ്സ് വിഭാഗത്തിലും പ്രജ്ഞാനന്ദ ചാമ്പ്യനായത്.
സമ്മാനത്തുകയായി പ്രജ്ഞാനന്ദയ്ക്ക് 47.5 ലക്ഷം രൂപ ലഭിക്കും. ബ്ലിറ്റ്സില് അവസാന റൗണ്ടിന് തൊട്ടുമുന്പുള്ള മത്സരത്തില് ജവോഖിര് സിന്ഡൊറോവുമായുള്ള മത്സരം സമനിലയില് പിരിഞ്ഞതോടെ പ്രജ്ഞാനന്ദ ജവോഖിറിനേക്കാള് ഒന്നര പോയിന്റ് മുന്പില് ഒന്നാം സ്ഥാനത്തെത്തിയിരുന്നു. പിന്നീട് അവസാന റൗണ്ടില് ജയിച്ചാലും തോറ്റാലും പ്രജ്ഞാനന്ദയ്ക്ക് കിരീടം ലഭിക്കുമെന്നുറപ്പായി.
ഈ വിജയത്തോടെ വിഖ്യാതമായ ഗ്രാന്റ് ചെസ് ടൂറില് പ്രജ്ഞാനന്ദ രണ്ടാം റാങ്കുകാരനായി ഉയര്ത്തപ്പെട്ടു. സിന്ക്വെഫീല്ഡ് ചെസ് ടൂര്ണ്ണമെന്റ് ആരംഭിക്കുന്നതിന് തൊട്ടുമുന്പാണ് പ്രജ്ഞാനന്ദയുടെ ഈ കുതിപ്പ്.
