കൊട്ടാരക്കര: ഭാരതം 80-ാമത് സ്വാതന്ത്ര്യദിനം ആഘോഷിക്കുന്ന വേളയില് രാഷ്ട്രപതി ഭവനില് സംഘടിപ്പിക്കുന്ന സ്വാതന്ത്ര്യദിനാഘോഷ പരിപാടിയില് പങ്കെടുക്കാന് തിരുവനന്തപുരം വിക്രം സാരാഭായി ഡെപ്യൂട്ടി ഡയറക്ടര് എല്.ജയലക്ഷ്മിക്ക് രാഷ്ട്രപതിയുടെ ക്ഷണം.
രാഷ്ട്രപതിഭവന്റെ ക്ഷണക്കത്ത് പോസ്റ്റല് വകുപ്പ് അസിസ്റ്റന്റ് സൂപ്രണ്ട് മനോജ് കുമാറും പോസ്റ്റല് വുമണ് റൊമാനിയോ സൈമണും തിരുവനന്തപുരം വിഎസ്എസ്സി ഓഫീസില് നേരിട്ടെത്തി കൈമാറിയിരിക്കുകയാണ്. കൊട്ടാരക്കര പെരുംകുളം സ്വദേശിനിയാണ് ജയലക്ഷ്മി. പെരുംകുളം കാരാട്ട് വീട്ടില് എല് ജയലക്ഷ്മി, രാഷ്ട്രപതി ഭവനില് സംഘടിപ്പിക്കുന്ന പരിപാടിയില് പങ്കെടുക്കുമ്പോള് കൊട്ടാരക്കര പെരുംകുളം ഗ്രാമവും അഭിമാനത്തിലാണ്.
ഇന്ത്യ തദ്ദേശീയമായി വികസിപ്പിച്ച ഐഎസ്ആര്ഒ കമ്പ്യൂട്ടര് പ്രോസസ്സര് സംവിധാനത്തിന്റെ ഭാഗമായിരുന്നു ജയലക്ഷ്മി. ഈ കമ്പ്യൂട്ടര് സംവിധാനമാണ് ഐഎസ്ആര്ഒയുടെ എല്ലാ ലോഞ്ച് സിസ്റ്റത്തിലും രാജ്യത്ത് ഉപയോഗിച്ചുകൊണ്ടിരിക്കുന്നത്. ഇതിനുള്ള അംഗീകാരമാണ് രാഷ്ട്രപതിയുടെ നേരിട്ടുള്ള ക്ഷണം. 32 വര്ഷത്തെ ഐഎസ്ആര്ഒയുടെ സേവന കാലയളവിലെ മാത്രമല്ല ജീവിതത്തിലെ ഏറ്റവും വലിയ അസുലഭ നിമിഷമായി ഇതിനെ കാണുന്നതെന്നും രാജ്യത്തിന്റെ പുരസ്കാരമായി ഈ ക്ഷണത്തെ കാണുന്നതായി ജയലക്ഷമി പ്രതികരിച്ചു.
