തിരുവനന്തപുരം: ഓണ്ലൈന് ടാക്സി ഡ്രൈവര്മാര് നടത്തി വന്ന സമരം അവസാനിപ്പിച്ചു.നിരക്കു വര്ധന ആവശ്യപ്പെട്ടാണ് ഊബര്, ഓല എന്നീ ഓണ്ലൈന് പ്ലാറ്റ്ഫോമുകള്ക്കെതിരെ സമരം തുടര്ന്ന് വന്നത്.സര്ക്കാര് ഇടപെടല് ഉണ്ടായതിനെ തുടര്ന്നാണ് സമരം അവസാനിപ്പിക്കാന് തീരുമാനിച്ചത്.
ഗതാഗത കമ്മീഷണറുടെ നേതൃത്വത്തില് ചര്ച്ചകള് ഇനിയും തുടരും. കഴിഞ്ഞ മാസം 21 മുതലാണ് ഓണ്ലൈന് ടാക്സിക്കാരുടെ സമരം തുടങ്ങിയത്.
ഓള് കേരള ഓണ്ലൈന് ഡ്രൈവേഴ്സ് യൂണിയന് അലയന്സിന്റെ നേതൃത്വത്തിലായിരുന്നു സമരം. ഓണ്ലൈന് ടാക്സി സേവനങ്ങള്ക്ക് ഏകീകൃത നിരക്കു നിശ്ചയിക്കുക, പ്ലാറ്റ്ഫോമുകള് ഈടാക്കുന്ന കമ്മീഷന് നിയന്ത്രിക്കുക, നിരക്കു പരിഷ്കരിക്കുക തുടങ്ങിയ വിവിധ ആവശ്യങ്ങളാണ് ഉന്നയിച്ചത്.
നിരക്കുവര്ധന ഉള്പ്പെടെയുള്ള ആവശ്യങ്ങള് അംഗീകരിച്ചതിനെ തുടര്ന്നു സര്ക്കാരിന്റെ കേരള സവാരി, റാപ്പിഡോ തുടങ്ങിയ ഓണ്ലൈന് പ്ലാറ്റ്ഫോമുകള് വഴിയുള്ള ടാക്സി സേവനങ്ങള് നേരത്തെ പുനരാരംഭിച്ചിരുന്നു.
