വാഷിംഗ്ടണ്: അമേരിക്കയില് ജനിച്ചു വളർന്ന ഒരു പ്രമുഖ ഇന്ത്യൻ-അമേരിക്കൻ ഡോക്ടർ നെറ്റിയില് പൊട്ട് തൊട്ടതിന്റെ പേരിലാണ് അധിക്ഷേപത്തിന് ഇരയായത്. പക്ഷെ ഈ വിദ്വേഷ കമന്റുകള് കേട്ട് ഓടിയൊളിക്കുകയല്ല, തിരിച്ചടിക്കുകയായിരുന്നു ഡോ.കരിഷ്മ റെഡ്ഡി.
ഒരു രോഗിയെ ചികിത്സിച്ചതുമായി ബന്ധപ്പെട്ട് ഇൻസ്റ്റാഗ്രാമില് ഈയിടെ ഡോ. കരിഷ്മ ഒരു വീഡിയോ പങ്കുവെച്ചിരുന്നു. ഈ വീഡിയോയ്ക്ക് മറുപടി പറയുന്നതിന് പകരം ഡോ. കരിഷ്മ റെഡ്ഡിയുടെ നെറ്റിയിലെ പൊട്ടിനെക്കുറിച്ചാണ് നിറയെ വിദ്വേഷകമന്റുകള് എത്തിയത് എന്നത് ഈ ഡോക്ടറെ വേദനിപ്പിച്ചു. പൊട്ട് തൊടണമെങ്കില് ഇന്ത്യയിലേക്ക് മടങ്ങിപ്പോകൂ എന്ന് വരെ വിദ്വേഷ കമന്റുകള് വന്നിരുന്നു.
ഒരു നെറ്റിയില് പൊട്ടു തൊട്ടതിന്റെ പേരില് കടുത്ത വംശീയ അധിക്ഷേപങ്ങള് കേട്ട ഡോ. കരിഷ്മ റെഡ്ഡി പക്ഷെ ഒളിച്ചോടാന് തയ്യാറായിരുന്നില്ല. തന്റെ ഔദ്യോഗിക ജീവിതത്തില് ഇതുവരെ ഇത്രയധികം ഇന്ത്യ വിരുദ്ധ വിദ്വേഷം താൻ നേരിട്ടിട്ടില്ലെന്ന് ഡോ. കരിഷ്മ റെഡ്ഡി പറയുന്നു.
എന്തുകൊണ്ട് ഹിന്ദുക്കള് പശുവിനെ ഇത്രമേല് ആരാധിക്കുന്നു?
ഹിന്ദുക്കള് പശുവിനെ ആരാധിക്കുന്നത് മതപരമായ ആചാരമായല്ല, മറിച്ച് ആഴത്തിലുള്ള സംസ്കാരത്തിന്റെയും നന്ദിയുടെയും ഭാഗമായാണെന്ന് ഡോ. റെഡ്ഡി തന്റെ വീഡിയോയിലൂടെ കൃത്യമായി വിശദീകരിച്ചു. പഴയകാലത്ത് പ്രസവത്തിനിടയില് അമ്മമാരെ നഷ്ടപ്പെടുന്ന കുഞ്ഞുങ്ങളുടെ ജീവൻ നിലനിർത്തിയത് പശുവിൻ പാലും സംരക്ഷണവുമാണ്. മനുഷ്യർക്ക് ജീവൻ നല്കിയ ആ മൃഗത്തോടുള്ള ആദരസൂചകമായാണ് ഹിന്ദുക്കള് പശുക്കളെ ഉപദ്രവിക്കുകയോ ഗോമാംസം കഴിക്കുകയോ ചെയ്യാത്തത്. ഇതില് യാതൊരുവിധ ദുരൂഹതകളുമില്ലെന്നും, ആളുകള് ഓണ്ലൈനില് ഇത്രമേല് വെറുപ്പ് തുപ്പുന്നത്
ഡോക്ടറുടെ ഈ ധീരമായ പ്രതികരണത്തിന് സമൂഹമാധ്യമങ്ങളില് വലിയ പിന്തുണയാണ് ലഭിച്ചുകൊണ്ടിരിക്കുന്നത്. ലക്ഷക്കണക്കിന് ആളുകളാണ് ഇതിനകം വീഡിയോ കണ്ടത്.
