തിരുവനന്തപുരം: മുന് മുഖ്യമന്ത്രിയും സിപിഎം നേതാവുമായ വി എസ് അച്യുതാനന്ദന്റെ മകന് വി എ അരുണ്കുമാറിനെ ഐഎച്ച്ആര്ഡി ഡയറക്ടര് സ്ഥാനത്ത് നിന്ന് നീക്കി. പൂഞ്ഞാര് എഞ്ചിനീയറിംഗ് കോളേജിലെ പ്രിന്സിപ്പല് പ്രൊഫ. എം വി രാജേഷാണ് പുതിയ ഡയറക്ടര്.
അരുണ്കുമാറിന് ഡയറക്ടറുടെ ചുമതല നല്കിയതിനെതിരെ പരാതികള് ലഭിച്ചതോടെ ഹൈക്കോടതി സ്വമേധയ കേസെടുത്തിരുന്നു. ഈ കേസില് അന്വേഷണം നടക്കുകയാണ്. ഐഎച്ച്ആര്ഡി ഡയറക്ടര് പദവി സര്വകലാശാല വിസിക്ക് തുല്യമാണെന്ന് അന്ന് കോടതി നിരീക്ഷിച്ചിരുന്നു. 2018ലെ യുജിസി മാനദണ്ഡപ്രകാരം ഡയറക്ടറാകാനുള്ള യോഗ്യത ഏഴു വര്ഷത്തെ അധ്യാപന പരിചയമാണെന്നിരിക്കെ, ക്ലറിക്കല് പദവിയിലിരുന്ന അരുണ്കുമാറിന് ഡയറക്ടറുടെ ചുമതല നല്കിയതിനെ ഹൈക്കോടതി രൂക്ഷമായി വിമര്ശിക്കുകയും രാഷ്ട്രീയ സ്വാധീനത്തിലാണോ നിയമനമെന്നത് അന്വേഷിക്കാന് നിര്ദേശിക്കുകയും ചെയ്തിരുന്നു.
