ആലപ്പുഴ: ക്ഷേത്ര ചുറ്റുമതിലിനകത്ത് അനുമതിയില്ലാതെ മുണ്ടിന്റെ പരസ്യത്തിനായി റീല്സ് ചിത്രീകരിച്ചതില് ദേവസ്വം അധികൃതര് പരാതി നല്കി.തിരുവിതാംകൂര് ദേവസ്വം ബോര്ഡിന് കീഴിലുള്ള ചെങ്ങന്നൂര് മഹാദേവ ക്ഷേത്രത്തിലാണ് അനുമതിയില്ലാതെ റീല്സ് ചിത്രീകരണം നടന്നത്.
ചെങ്ങന്നൂര് പൊലീസില് ആണ് പരാതി നല്കി നല്കിയത്. ക്ഷേത്രം അടച്ചിരുന്നപ്പോള് അനധികൃതമായി ചുറ്റുമതിലിനുള്ളില് കടന്നാണ് യുവാവ് റീല്സ് ചിത്രീകരിച്ചത്.ചെങ്ങന്നൂര് ദേവസ്വം സബ് ഗ്രൂപ്പ് ഓഫീസര് അഖില് ജി. കുമാറാണ് ചെങ്ങന്നൂര് പൊലീസ് സ്റ്റേഷനില് ഔദ്യോഗികമായി പരാതി നല്കിയത്. ക്ഷേത്ര മതില്ക്കെട്ടിനകത്ത് അനുമതിയില്ലാതെ അതിക്രമിച്ചു കയറി, ക്ഷേത്രത്തിന്റെ പരമ്പരാഗത ആചാരങ്ങള്ക്കും ശുദ്ധിക്കും ഭംഗം വരുത്തി എന്നീ കാര്യങ്ങള് പരാതിയില് പറയുന്നു.
ചെങ്ങന്നൂര് പൊലീസ് അന്വേഷണം ആരംഭിച്ചിട്ടുണ്ട്.അനുമതിയില്ലാതെ ചിത്രീകരണങ്ങള് നടത്തുന്നവര്ക്കെതിരെ കര്ശന നിയമനടപടി സ്വീകരിക്കുമെന്ന് അധികൃതര് പറഞ്ഞു.
