ടെഹ്റാന്: തുര്ക്കിയില് നിന്നും ശതകോടികള് നല്കി സൗദി അറേബ്യ വാങ്ങിക്കൂട്ടിയ ഡ്രോണുകള് ഇറാനെ പിന്തുണയ്ക്കുന്ന ഹൂതികള് അനായാസം തകര്ക്കുന്നതോടെ തുര്ക്കിക്കും തുര്ക്കിയുടെ പ്രസിഡന്റ് എര്ദോഗാനും മുഖം നഷ്ടപ്പെടുന്നു. ഹൂതികളുടെ മിസൈല് ആക്രമണത്തില് തകര്ന്ന് വീണ് കത്തിയെരിയുന്ന തുര്ക്കിയുടെ ബൈരക്തര് ഡ്രോണുകളുടെ വീഡിയോ ഇപ്പോള് സമൂഹമാധ്യമങ്ങളില് വൈറലാണ്.
എന്തിനാണ് ഈ ഗുണമില്ലാത്ത ഡ്രോണുകള് ശതകോടികള് നല്കി വാങ്ങിയതെന്ന ചോദ്യമാണ് സൗദി ഭരണാധികാരികള് സ്വയം ചോദിക്കുന്നത്. ഇതോടെ ഇന്ത്യയുടെ ഓപ്പറേഷന് സിന്ദൂറിന് ശേഷം ഒരിയ്ക്കല് കൂടി സൗദിക്ക് ലോകരാഷ്ട്രങ്ങള്ക്ക് മുന്പില് മുഖം നഷ്ടമാവുകയാണ്. പാകിസ്ഥാനെതിരായ ഓപ്പറേഷന് സിന്ദൂറില് പാകിസ്ഥാന് ഇന്ത്യയ്ക്കെതിരെ തൊടുത്ത തുര്ക്കിയുടെ ബൈരക്തര് ഡ്രോണുകളെ ഇന്ത്യ തദ്ദേശീയമായി നിര്മ്മിച്ച ആകാശ് മിസൈല് ഉപയോഗിച്ചാണ് തകര്ത്തത്.
സൗദി അയച്ച് തുര്ക്കിയുടെ ബൈരക്തര് ഡ്രോണ് തകര്ത്തതായി ജൂലായ് 26നാണ് ഹൂതികള് പ്രഖ്യാപിച്ചത്. ആകാശത്തുകൂടെ കുതിയ്ക്കുന്ന ബൈരക്തര് ഡ്രോണ് ഹൂതി മിസൈലേറ്റ് തലകുത്തി താഴേ വീഴുന്നതും പിന്നീട് തറയില് വീണ് കത്തുന്നതുമായ വീഡിയോ വൈറലായി പ്രചരിക്കുകയാണ്.
