കോഴിക്കോട്: എംഡിഎംഎ കേസില്‍ പിടിയിലായ അധ്യാപികമാര്‍ക്കെതിരെ നടപടിയുമായി വിദ്യാഭ്യാസ വകുപ്പ്.പേരാമ്പ്ര ബിആര്‍സിയിലെ സ്‌പെഷലിസ്റ്റ് കായിക അധ്യാപികയായ കെ.സി. കീര്‍ത്തനയെ സര്‍വശിക്ഷാ കേരള സംസ്ഥാന പ്രോജക്ട് ഓഫീസര്‍ പിരിച്ചുവിട്ടു.മരുതോങ്കര സ്വദേശിനി കീര്‍ത്തന കേസില്‍ റിമാന്‍ഡിലായിരുന്നു.ഇവര്‍ ഈമാസം 11നാണ് അറസ്റ്റിലായത്.
അതേസമയം, ശനിയാഴ്ച അറസ്റ്റിലായ ബിആര്‍സിയിലെ സ്‌പെഷല്‍ എജ്യുക്കേറ്റര്‍ കൂരാച്ചുണ്ട് സ്വദേശിനി കാവ്യയ്‌ക്കെതിരായ തിങ്കളാഴ്ച നടപടിയുണ്ടാകും.ഓപ്പറേഷന്‍ തൂഫാനില്‍ രണ്ട് ഗ്രാം എംഡിഎംഎയുമായി പിടിയിലായ വടകര സ്വദേശി സഫ്‌വാനില്‍ നിന്നാണ് അധ്യാപികമാരെ ഇടനിലക്കാരാക്കിയുള്ള ലഹരി സംഘത്തെക്കുറിച്ച് പൊലീസിന് വിവരം ലഭിച്ചത്.
മയക്കുമരുന്ന് വേണ്ടവരില്‍ നിന്ന് ക്യൂആര്‍ കോഡ് അയച്ച് നല്‍കി പണം അക്കൗണ്ട് വഴി സ്വീകരിക്കും. ആവശ്യക്കാര്‍ക്ക് ഗൂഗിള്‍ മാപ്പ് അയച്ചുകൊടുത്ത് ലഹരി സംഘത്തിന് വഴിയൊരുക്കും എന്നീ കുറ്റങ്ങളാണ് അധ്യാപികമാര്‍ക്കെതിരെ കണ്ടെത്തിയത്.
