കൊച്ചി: രാജ്യതലസ്ഥാനത്ത് പാറ്റ പാര്ട്ടി നടത്തുന്ന പ്രതിഷേധത്തില് പലവിധ സംശയങ്ങളും ഉയരവെ അതില് പങ്ക് ചേര്ന്ന് രാഷ്ട്രീയ മുതലെടുപ്പിനാണ് കോണ്ഗ്രസും സി പി എമ്മും ഉള്പ്പെടെ ഉളള പ്രതിപക്ഷ കക്ഷികളുടെ ശ്രമം.കേന്ദ്ര സര്ക്കാരിനെ അട്ടിമറിക്കാനുളള നീക്കത്തിന് പിന്നാലെ പല സിനിമാക്കാരുടെയും ഉളളിലെ രാഷ്ട്രീയ നിറം പുറത്തുവരികയാണ്.
നടി ഭാവനയാണ് ഏറ്റവും ഒടുവില് കേന്ദ്രസര്ക്കാരിനെതിരെയുളള സമരത്തിന് പിന്തുണയുമായി രംഗത്തുവന്നത്. ‘ഈ രാജ്യത്ത് എന്താണ് സംഭവിക്കുന്നത്’ എന്നാണ് നടിയുടെ ചോദ്യം. ഇന്സ്റ്റാഗ്രാമില് ആണ് താരത്തിന്റെ കുറിപ്പ്.
ദല്ഹി പൊലീസിനെ ആക്രമിച്ചതിനെ തുടര്ന്ന് നടന്ന ലാത്തിച്ചാര്ജില് പരിക്കേറ്റ വിദ്യാര്ഥികളുടെ ദൃശ്യങ്ങള് ഇന്സ്റ്റാഗ്രാം സ്റ്റോറിയായി താരം പങ്കുവച്ചു.അക്രമ സമരത്തെ നേരിട്ട പൊലീസിനെ കുറ്റപ്പെടുത്തിക്കൊണ്ട്, ഭരണകൂടത്തിന്റെ ഈ നടപടിയില് ലജ്ജ തോന്നുന്നുവെന്നാണ് ഭാവന പറയുന്നത്.
നടി രമ്യ നമ്പീശന് പങ്കുവെച്ച പോസ്റ്റും ഭാവന ഷെയര് ചെയ്തിട്ടുണ്ട്. ‘അനീതിക്കെതിരെ ശബ്ദമുയര്ത്തുന്ന ഓരോരുത്തര്ക്കുമൊപ്പം ഉറച്ചുനില്ക്കുന്നു’ എന്നാണ് രമ്യയുടെ പോസ്റ്റ്.ബംഗ്ലാദേശിലും നേപ്പാളിലും ശ്രീലങ്കയിലും ഉണ്ടായത് പോലെ എന്തെങ്കിലും സാധ്യത ഉണ്ടോ എന്ന് നോക്കുകയെന്നതാണ് ഇവരുടെ ഉളളിലിരുപ്പെന്ന് വ്യക്തം.അവതാരക രഞ്ജിനി ഹരിദാസ് ദല്ഹിയിലെത്തി പ്രതിഷേധക്കാര്ക്ക് പിന്തുണ അറിയിച്ചു.വെറുതെ ഇവരൊന്നും ദല്ഹി വരെ പോയി പിന്തുണ അറിയിക്കില്ലെന്ന് അണിയറ സംസാരമുണ്ട്.
കഴിഞ്ഞ ദിവസം ടൊവീനോ തോമസും കേന്ദ്രസര്ക്കാരിനെതിരായ നീക്കത്തെ പിന്തുണച്ച് പോസ്റ്റിട്ടിരുന്നു. ദുല്ഖര് സല്മാനും ദുല്ഖര് സല്മാനും സാമൂഹ്യമാധ്യമ പോസ്റ്റിട്ടു.മമ്മൂട്ടിയുടെ രാഷ്ട്രീയം നേരത്തേ തന്നെ വ്യക്തമാണല്ലോ.ജോജു ജോര്ജും പിന്തുണയുമായെത്തി.കമലഹാസന്, സല്മാന് ഖാന് തുടങ്ങിയ നടന്മാരും ഉളളിലെ രാഷ്ട്രീയം ഈ അവസരത്തില് പുറത്തെടുത്തിരുന്നു.
നീറ്റ് പരീക്ഷാ പേപ്പര് ചോര്ച്ചയില് കേന്ദ്ര വിദ്യാഭ്യാസ മന്ത്രി ധര്മ്മേന്ദ്ര പ്രധാന് രാജിവയ്ക്കണമെന്നാണ് പാറ്റകളുടെ ആവശ്യം.എന്നാല് പിന്നീട് ഇത് കേന്ദ്ര ആഭ്യന്തര മന്ത്രിയും രാജിവയ്ക്കണമെന്നായി.വിഷയത്തില് പാര്ലമെന്റില് ചര്ച്ച നടത്താമെന്ന് കേന്ദ്രം അറിയിച്ചു.സമരക്കാരുമായി ചര്ച്ചയ്ക്കും സന്നദ്ധത പ്രകടിപ്പിച്ചു.
നീറ്റ് പരീക്ഷ ചോദ്യപേപ്പര് ചോര്ന്ന സംഭവത്തില് കുറ്റക്കാര്ക്കെതിരെ നടപടി സ്വീകരിച്ചിട്ടുണ്ടെന്ന് കേന്ദ്രം വ്യക്തമാക്കി.പുതിയ പരീക്ഷ നടത്തി ഫലവും പ്രഖ്യാപിച്ചു.
കേന്ദ്രത്തില് കോണ്ഗ്രസ് ഭരണകാലത്തും ചോദ്യപ്പേര് ചോര്ച്ച ഉണ്ടായിട്ടുണ്ട്.കേരളത്തില് പിണറായി സര്ക്കാരിന്റെ ഭരണകാലത്ത് പി എസ് സി പരീക്ഷകളിലും അഭിമുഖങ്ങളിലും കൃത്രിമം നടത്തി സി പി എം സഹയാത്രികരെ നിയമിച്ച സംഭവങ്ങള് അടുത്തുടെ ആണ് പുറത്തു വന്നത്.
