തൃശൂര്: വിദ്യാര്ഥിനിയെ സ്വകാര്യ ബസില് നിന്ന് ജീവനക്കാര് ബലമായി ഇറക്കിവിട്ടതായി പരാതി.വടക്കാഞ്ചേരിയില് ആണ് സംഭവം.
കഴിഞ്ഞ ദിവസം വൈകുന്നേരം ‘ചിറയത്ത്’ എന്ന ബസിലാണ് സംഭവം.പ്ലസ് വണ് വിദ്യാര്ഥിനിയെ കയ്യില് പിടിച്ച് ബസില്നിന്ന് ഇറക്കി വിട്ടു.
വിദ്യാര്ഥിനിക്കിറങ്ങേണ്ട പരുത്തിപ്രയില് ബസ് നിര്ത്തില്ല എന്ന് പറഞ്ഞ് മുന്നേയുള്ള സ്റ്റോപ്പില് ഇറങ്ങാന് ആവശ്യപ്പെട്ടു. വിസമ്മതിച്ചപ്പോള് കൈയില് ബലമായി പിടിച്ചിറക്കി വിട്ടെന്ന് വിദ്യാര്ത്ഥിനി പറഞ്ഞു.മഴയത്താണ് ഇറക്കി വിട്ടത്.തുടര്ന്ന് വിദ്യാര്ഥിനിയുടെ ബന്ധുക്കളും നാട്ടുകാരും ബസ് തടഞ്ഞു. വടക്കാഞ്ചേരി പൊലീസില് പരാതി നല്കിയിട്ടുണ്ട്.
