തിരുവനന്തപുരം: സംസ്ഥാനത്ത് വ്യാഴാഴ്ചയും ഭാഗിക വൈദ്യുതി നിയന്ത്രണം ഉണ്ടാകാന് സാധ്യതയെന്ന് കെ എസ് ഇ ബി.വൈദ്യുതി ഉപഭോഗം 200 മുതല് 300 മെഗാവാട്ട് വരെ വര്ദ്ധിക്കാന് സാധ്യത ഉണ്ട്. ഈ സാഹചര്യത്തില് പീക്ക് സമയങ്ങളില് ഭാഗിക നിയന്ത്രണം വേണ്ടി വന്നേക്കാം എന്ന് കെഎസ്ഇബി അറിയിച്ചു.
എല്നിനോ പ്രതിഭാസത്തെ തുടര്ന്നുണ്ടായ മഴക്കുറവും അന്തരീക്ഷ താപനില താരതമ്യേന ഉയര്ന്ന നിലയില് തുടരുന്നതും മൂലം വൈദ്യുതി ഉപഭോഗം മുന്കാലങ്ങളെ അപേക്ഷിച്ച് ഗണ്യമായി വര്ധിച്ചിട്ടുണ്ട്.പവര് എക്സ്ചേഞ്ച് വഴി ആവശ്യമായ അളവില് വൈദ്യുതി ലഭ്യമാകാത്ത സാഹചര്യം ഉണ്ടായാല് സംസ്ഥാനത്ത് ഭാഗികമായി വൈദ്യുത നിയന്ത്രണം ആവശ്യമായി വന്നേക്കാം. വൈകുന്നേരത്തെ പീക്ക് സമയങ്ങളില് ആണ് വൈദ്യുതി നിയന്ത്രണം.
